पुण्यात कोरोना आढावा बैठक आज पार पडली. या बैठकीनंतर पालकमंत्री अजित पवार यांनी पुण्यातील परिस्थितीची माहिती दिली. अजित पवार म्हणाले की, पुण्यातील कोरोना रुग्णांची संख्या कमी होताना दिसतेय. तसंच लसीकरण जास्ती जास्त करण्याचा प्रयत्न आहे. लसीकरणाचा 70 लाखांचा टप्पा पार केल्याची माहिती त्यांनी यावेळी दिली.

अजित पवार म्हणाले की, जागतिक स्तरावर माहिती घेतली तर 5 ते 6 लाख दररोज रुग्ण आढळत आहेत. तिसऱ्या लाटेची धोक्याची सूचना आहे. त्यापार्श्वभूमीवर काळजी घेतोय. चार आठवड्यात रुग्णसंख्या कमी होताना दिसतेय. तिसऱ्या लाटेचा धोका पाहता काळजी घेतली जात आहे. आवश्यक ती तयारी केली जात आहे

पुण्यात पहिल्या डोस आधी दुसऱ्या डोसला प्राधान्य देण्यात येईल. तसंच पहिले दोन डोस दिल्यानंतर बूस्टर डोसचं पाहू असंही अजित पवार म्हणाले. गेल्या महिन्यात पुण्यात 16 लाख नागरिकांचे लसीकरण झाले अशी माहितीसुद्धा अजित पवार यांनी पत्रकार परिषदेत दिली.