पुणे

'बँकांची फसवणूक होत असल्याचा परिणाम गरीब जनतेवर होतोय'

सकाळ वृत्तसेवा

पुणे : बँकांकडून देण्यात येणाऱ्या विविध कर्ज योजनांमुळे व्यवसाय वाढत असून, रोजगाराच्या संधी उपलब्ध होत आहेत. मात्र, व्यावसायिकांकडून बँकांची फसवणूक होत असल्याच परिमाण गरीब जनतेवर होत आहे. ही बाब समाजास हानीकारक आहे, असे नमूद करीत केंद्रीय गुन्हे अन्वेषण (सीबीआय) न्यायालयाने बँकेची फसवणूक करणाऱ्याला पाच वर्षे सक्तमजुरी आणि साडेपाच लाख रुपये दंडाची शिक्षा सुनावली.

केंद्रीय अन्वेषण विभागाचे (सीबीआय) विशेष न्यायाधीश पी. सी. भगुरे यांनी हा निकाल दिला. बनावट कागदपत्रे सादर करून साडेचार कोटी रुपयांचे कर्ज मंजूर करून घेऊन बॅंक ऑफ महाराष्ट्र कर्वे रोड शाखेची फसवणूक करणाऱ्या नितीन मारुतराव काळे (वय 47, रा. बारामती) याला शिक्षा देण्यात आली.

काळेने बॅंक अधिकाऱ्यांच्या मदतीने कट रचून मॅक्‍स मल्टिकॉन या कंपनीच्या नावाने बनावट कागदपत्रे दाखल करून कर्ज मंजूर करून घेतले होते. या प्रकरणात नितीन प्रभाकर फरसोळे आणि अभिमन्यू भाऊराव शेंडगे यांची निर्दोष सुटका केली. सीबीआयचे विशेष सरकारी वकील अभयराज आरीकर यांनी खटल्याचे कामकाज पाहिले.

काळे हा मॅक्‍स मल्टिकॉन लिमिटेड कंपनीचा व्यवस्थापकीय संचालक आहे. त्याने बॅंक ऑफ महाराष्ट्र कर्वे रोड शाखेमध्ये खाते काढून कर्जप्रकरण दाखल केले होते. त्यासाठी शेतजमीन गहाण ठेवली. मात्र ते बॅंकेच्या आरोपी अधिकाऱ्याने कोणतीही पाहणी न करता मंजूर केले. खटल्यादरम्यान त्यांचा मृत्यू झाला आहे.

कर्जप्रकरणात बनावट कागदपत्रे वापरली. कर्जाची रक्कम मिळाल्यानंतर काळाने त्याचा गैरवापर केला. कर्ज मंजूर करून देणाऱ्या बँकेच्या अधिकाऱ्यांनी पदाचा गैरवापर केला, असे सीबीआयने दाखल केलेल्या दोषारोपपत्रात नमूद करण्यात आले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sharad Pawar: शरद पवारांच्या ताफ्यातील गाड्या एकमेकांना धडकल्या, मोठा अनर्थ टळला!

T20 World Cup 2024: ICC ची मोठी घोषणा! वर्ल्ड कपसाठी अंपायर अन् मॅच रेफ्रींची झाली निवड, पाहा संपूर्ण यादी

Arvind Kejriwal: "....म्हणून आम्ही केजरीवालांच्या जामिनाचा विचार करु शकतो"; सुप्रीम कोर्टाचा ईडीला इशारा

Sobita Dhulipala :"हो मी प्रेमात आहे" ; शोबिताने दिली नागा चैतन्यवरील प्रेमाची कबुली ?

OpenAI लाँच करणार गुगलला टक्कर देणारं सर्च इंजिन! जाणून घ्या काय असेल खास?

SCROLL FOR NEXT