सुपे, ता. १ : कुतवळवाडी-बोरकरवाडी (ता. बारामती) ग्रामपंचायतीच्या उपसरपंचपदी दिपाली बोरकर यांची बिनविरोध निवड झाली. सरपंच रूपाली भोसले यांच्या अध्यक्षतेखाली नुकत्याच झालेल्या विशेष सभेत ही निवड प्रक्रिया पार पडली. याआधीच्या उपसरपंच राणी बोरकर यांनी राजीनामा दिल्याने रिक्त जागी ही निवड करण्यात आली. उपसरपंच पदासाठी बोरकर यांचा एकमेव अर्ज आल्याने त्यांची बिनविरोध निवड झाल्याचे ग्रामपंचायत अधिकारी अर्चना लोणकर यांनी जाहीर केले. नूतन उपसरपंचांचा ग्रामस्थांच्यावतीने सत्कार करण्यात आला.
याप्रसंगी ग्रामपंचायत सदस्य भानुदास बोरकर, महेश कुतवळ, किरण बोरकर, वेणूताई कुतवळ, राणी बोरकर, सोनाली देवकाते, पोलीस पाटील राहुल बोरकर, आजी-माजी पदाधिकारी, कार्यकर्ते व ग्रामस्थ उपस्थित होते.