बेळगाव : मच्छे गावात घडलेल्या दुहेरी खूनप्रकरणी तिसऱ्या अतिरिक्त जिल्हा आणि सत्र न्यायालयाने पाच आरोपींना बुधवारी (ता. १५) जन्मठेपेची शिक्षा सुनावली. तसेच दोन लाख १४ हजारांचा दंडही ठोठाविला. कल्पना मल्लेशी बसरीमरद (वय ४१, काळेनट्टी), महेश ऊर्फ मल्लप्पा नायक (वय २६, रा. चंदगड), शानूर नागप्पा बन्नार (२५, काळेनट्टी), रोहित नागप्पा वड्डर (२६, रा. गणेशपूर) आणि राहुल मारुती पाटील (वय २६, बेळगुंदी, ता. बेळगाव) अशी जन्मठेप झालेल्यांची नावे आहेत. सप्टेंबर २०२० मध्ये खुनाची घटना घडली होती.
