पुणे  - कपड्यांच्या असंख्य स्टाइल्सने भुरळ पाडणारा ब्रॅंड ‘मॅक्‍स फॅशन’ व ‘सकाळ माध्यम समूहा’ने शनिवारी (ता. १) १८ ते ३५ वयोगटातील महिलांसाठी ‘फॅशन शो २०१८’ आयोजित केला आहे. स्वारगेट परिसरातील कुमार पॅसेफिक मॉल येथे होणाऱ्या या शोमध्ये सकाळी ऑडिशन (प्राथमिक फेरी) व सायंकाळी अंतिम फेरी होणार आहे.

नटण्या मुरडण्याची, वेगवेगळ्या ब्रॅंडचे कपडे घालण्याची, फॅशन शो पाहताना एकदा तरी रॅम्प वॉक करण्याची इच्छा असणाऱ्या सर्वांनाच या फॅशन शोच्या निमित्ताने इच्छापूर्तीची संधी मिळणार आहे. फॅशन शोसाठी १८ ते २५ वर्षे  व २६ ते ३५ वर्षे असे दोन गट करण्यात आले आहेत. डेनिम राउंड, एथनिक (पारंपरिक पोशाख) व प्रश्‍न उत्तरे अशा तीन फेऱ्यांमध्ये ही स्पर्धा रंगणार असून, ऑडिशनसाठी स्पर्धकाचा आत्मविश्‍वास व सर्वांगीण व्यक्तिमत्त्वाचा विचार करण्यात येणार आहे. अंतिम फेरीसाठी निवडलेल्या स्पर्धकांना फॅशन क्षेत्रातील तज्ज्ञांचे मार्गदर्शन मिळणार आहे. स्पर्धकांनी अंतिम फेरीसाठी लागणारा पोषाखही सोबत ठेवणे गरजेचे आहे. या स्पर्धेत दोन्ही गटांमधून प्रत्येकी दोन असे एकूण चार विजेते घोषित करण्यात येणार आहेत. 

काय -  फॅशन शो २०१८ 
कोठे - कुमार पॅसेफिक मॉल, स्वारगेट 
कधी - शनिवार, ता. १
केव्हा -  ऑडिशन - सकाळी ११ ते दुपारी १ व अंतिम फेरी - सायंकाळी ६ ते ८
अधिक माहितीसाठी संपर्क - ८८०५००९३९५ किंवा ९५५२५३३७१३