पुणे : भर उन्हात तान्ह्या बाळाला घेऊन घराबाहेर पडत असाल, तर मग थांबा ! उन्हाच्या कडाक्‍यात घराबाहेर पडताना बाळालासोबत नेणे शक्‍यतो टाळा, असा सल्ला बालरोगतज्ज्ञ देत आहेत. 

बालरोगतज्ज्ञ डॉ. सुनील गोडबोले यांच्या सल्ल्यानुसार ही काळजी घ्या : 
शून्य ते तीन वर्षे वयोगट : 
- बाळाला स्तनपान करण्यापूर्वी गार पाण्याने पुसून घ्या 
- तेलाने अधिकाधिक मसाज करणे टाळा 
- बाळाला एसी किंवा कूलरऐवजी हवेशीर ठेवा 
- डायपर वापरणे शक्‍यतो टाळा 
- शरीराचे वाढते तापमान कमी करण्यासाठी पाण्याने पुसून घ्या 
- या काळात भूक कमी झालेली असल्यामुळे पेयपदार्थांवर भर द्या 
- पिण्यासाठी स्वच्छ आणि निर्जंतुक पाणी वापरा 

तीन ते आठ वर्षे वयोगट : 
- डोळे, त्वचेचे आजार होण्यापासून बचाव करा 
- डोळे स्वच्छ पाण्याने धूत राहा 
- अतिगार पदार्थ त्रासदायक ठरू शकतात 
- माठातील गार पाणी देणे चांगले 
- डोळे अथवा त्वचा लाल झाल्यास वैद्यकीय सल्ला घ्या 

आठ ते बारा वर्षे वयोगट : 
- बाहेरील शीतपेय देणे टाळा 
- उन्हापासून संरक्षण होईल, असे कपडे वापरा 
- ताक, कोकम, नारळ पाणी पिणे योग्य 
- उन्हात बराच काळ खेळणार नाही, याची घ्या काळजी 
- बाहेरील पाणी आणि खाद्यपदार्थांचे सेवन टाळा