पुणे - एल्गार आणि भीमा-कोरेगाव प्रकरणातील संशयित आरोपी गौतम नवलाखा यांनी मंगळवारी येथील विशेष न्यायालयात अटकपूर्व जामिनासाठी अर्ज केला आहे. त्यावर आज युक्तिवाद व निकाल होणार आहे. काल या प्रकरणातील सहा संशयित आरोपींचा जामीन न्यायालयाने फेटाळला आहे. त्यामुळे नवलाखा यांच्या देखील अडचणीत वाढ झाली आहे. न्यायालयाने अर्ज फेटाळून लावल्यास नवलाखा यांना त्वरीत अटक होऊ शकते. तसे झाल्यास या प्रकरणातील एकूण अटक आरोपींची संख्या दहा होणार आहे. 

नवलाखा यांना सर्वोच्च न्यायालयाने दिलेल्या चार आठवड्याच्या संरक्षणाची मुदत 11 नोव्हेंबर रोजी संपत आहे. त्यामुळे अटकपूर्व जामिनाचा अर्जावर त्वरित सुनावणी घेऊन निकाल देण्यात यावा, अशी विनंती त्यांचे वकील ऍड. युग चौधरी यांनी केली आहे.