इंदापूर (जि. पुणे) : इंदापूर विधानसभा मतदार संघात राष्ट्रवादीच्या दत्तात्रय भरणे 3027 मतांनी विजय मिळविला आहे. तर हर्षवर्धन पाटील यांचा पराभव झाला आहे. मागील विधानसभा निवडणूक सन 2009 मध्ये या दोन्ही नेत्यांमध्ये झालेल्या लढतीत हर्षवर्धन पाटील यांनी सुमारे 8 हजार मतांनी विजय मिळवला होता. त्याचा वचपा मामांनी 2014 मध्ये सुमारे 15 हजार मतांनी भाऊंचा पराभव करून घेतला.

विरोधी पक्षाचा आमदार असताना देखील भरणे यांनी तालुक्याच्या विकासासाठी सर्वाधिक म्हणजे साडे तेरा कोटी रुपयांचा निधी आणला. त्यामुळे त्यांचा विजय निश्चित असल्याचा दावा राष्ट्रवादी कॉंग्रेसचे तालुकाध्यक्ष महारुद्र पाटील यांनी केला होता.