पुणे : 'पडळकर तुमचे जेवढे वय आहे ना, त्या पेक्षा किती तरी जास्त वर्षे शरद पवार साहेब राजकारणात आहेत', असे म्हणत महाराष्ट्र नवनिर्माण सेनेचे पुणे महापालिकेतील गटनेते वसंत मोरे यांनी भारतीय जनता पक्षाचे आमदार गोपीचंद पडळकर यांना टोला मारला आहे. लूज टॉकमुळे कोंडीत सापडलेल्या भाजपला अडचणीत आणण्याची संधी मनसेही सोडत नसल्याचे या निमित्ताने दिसून आले आहे. 

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

राष्ट्रवादी कॉंग्रेसचे अध्यक्ष शरद पवार यांच्याबद्दल पडळकर यांनी काढलेल्या आक्षेपार्ह उदगारांबद्दल राज्यातील राजकीय वर्तुळातून तीव्र पडसाद उमटले आहेत. राष्ट्रवादी कॉंग्रेसच्या कार्यकर्त्यांनी पुण्यासह विविध जिल्ह्यांत आंदोलने करीत, पडळकरांचा निषेध केला आहे. भाजपचे प्रदेशाध्यक्ष चंद्रकांत पाटील यांनीही त्या बाबत सारवासारव करीत पडळकर यांनी माफी मागितल्याचे म्हटले असले तरी, हा वाद क्षमलेला नाही. आता त्यात वसंत मोरे यांनीही उडी मारली असून शरद पवार यांची बाजू घेतानाच 'आजकाल लोक प्रसिद्धीसाठी काहीही करू लागलेत. आमदार पडळकर जेवढे तुमचे वय आहे ना, त्या पेक्षा किती तरी, जास्त वर्षे शरद पवार साहेब राजकारणात आहेत', असे म्हणत त्यांनी पडळकरांना टोला मारला आहे. 

सहा महिन्यांपूर्वी झालेल्या विधानसभा निवडणुकीच्या वेळी पुण्यातील हडपसर विधानसभा मतदारसंघातून वसंत मोरे यांनी राष्ट्रवादीच्या उमेदवाराविरुद्ध निवडणूक लढविली होती. तत्पूर्वी मोरे राष्ट्रवादीच्या वाटेवर असल्याचीही चर्चा होती. या पार्श्वभूमीवर मोरे यांनी पवार यांची बाजू घेत केलेल्या ट्विटला नेटिझन्सकडून चांगला प्रतिसाद मिळाला आहे. 
--------------
काश्मीरमध्ये पुन्हा दहशतवाद्यांसोबत चकमक; एक दहशतवादी ठार
--------------
...तर स्टॅच्यू ऑफ युनिटी हटवायला पाहिजे; 'या' नेत्याने केली मागणी
--------------
2019 च्या लोकसभा निवडणुकीपूर्वी राज्यात महाआघाडी करताना शरद पवार यांनी त्यात महाराष्ट्र नवनिर्माण सेनेला सामावून घेण्याचा प्रयत्न केला होता. त्यासाठी शरद पवार यांच्याबरोबर मनसेचे अध्यक्ष राज ठाकरे यांनी चर्चाही केली होती. परंतु, कॉंग्रेसने त्यात खोडा घातला होता. तरीही शरद पवार यांनी मध्यस्थी केली होती. त्यावेळी राज ठाकरे यांनी राष्ट्रवादीच्या उमेदवारांसाठी प्रचारसभाही घेतल्या होत्या. मात्र, महाआघाडीत प्रवेश न मिळाल्याने मनसेने विधानसभा निवडणुकीत स्वतःचे उमेदवार उभे केले होते. मात्र, त्यात पक्षाला अपेक्षित यश मिळाले नाही. राज्यात महाविकास आघाडीचे सरकार स्थापन झाल्यावरही मनसेकडे दुर्लक्ष झाले आहे. त्यामुळे मनसे सध्या एकाकी लढत आहे. या बाबत पक्षाचे प्रदेश प्रवक्ते हेमंत संभूस म्हणाले, "मनसे हा स्वतंत्र पक्ष आहे. शरद पवार यांच्याबद्दल सगळ्याच पक्षांना आदर आहे. त्यामुळे मोरे यांनी केलेले ट्विट ही त्यांची भूमिका आहे. मनसे हा स्वतंत्र पक्ष असून आमची भूमिकाही स्वतंत्र असेल.