पुणे

"नॉनस्टॉप' सेवेचा पीएमपीचा विचार 

सकाळवृत्तसेवा

पुणे - शहरातील वाहतूक कोंडी तीव्र होत असल्यामुळे नॉनस्टॉप किंवा एक्‍स्प्रेस बससेवा सुरू करण्याच्या प्रस्तावावर पीएमपीने गांभीर्याने विचार सुरू केला आहे. पहिल्या टप्प्यात वर्दळीच्या सुमारे 12 मार्गांवर ही सेवा सुरू करण्याचाही त्यात समावेश आहे. शहरातील वाहतुकीचा सरासरी वेग ताशी 10 ते 12 किलोमीटरपर्यंत खाली आल्यामुळे पीएमपीला हा विचार करावा लागत आहे. 

पीएमपीच्या सुमारे 1500 बस रोज 16 तास धावतात. त्यातून एकत्रित सुमारे 3 लाख किलोमीटर वाहतूक होते. बससंख्येच्या तुलनेत वाहतूक कमी होत आहे. 2014 मध्ये 1300 बस सुमारे 3 लाख किलोमीटर अंतर रोज कापत होत्या. आता बससंख्या वाढूनही वाहतुकीच्या कोंडीमुळे अंतर कमी होत आहे. बसचा प्रतिताशी सरासरी वेग 2014 मध्ये 14 किलोमीटर होता. सध्या तो 10-12 किलोमीटरवर आला आहे आणि पुढच्या तीन वर्षांत वाहतूक कोंडीमुळे तो 10 किलोमीटरवर येऊ शकतो, असा पीएमपीच्या वाहतूक विभागाचा अंदाज आहे. 

सध्या सर्वच बस सर्वच थांब्यांवर थांबतात. त्यामुळे प्रवाशांच्या प्रवासाच्या वेळेत वाढ होत आहे. अप्पर इंदिरानगर ते निगडी (मार्ग क्र. 12) या मार्गावर तब्बल 63 थांबे आहेत. थांब्यांवर थांबण्यासाठी स्पीड शून्य करून बस रस्त्याच्या कडेला घेणे आणि परत स्पीड घेणे, त्यामुळे प्रत्येक थांब्यावर सरासरी 1 मिनिटाप्रमाणे प्रवाशांचा जवळजवळ निम्मा वेळ वाया जातो. गर्दीच्या वेळात दीड तासात होणाऱ्या प्रवासाला सुमारे दोन तास लागतात. 

या मार्गांवर पहिला टप्पा 
मुंबईत एक्‍स्प्रेस सेवा वर्षानुवर्षे सुरू आहे. त्या धर्तीवर शिवाजीनगर-कात्रज, शिवाजीनगर-अप्पर इंदिरानगर, पुणे-स्टेशन हडपसर, पुणे स्टेशन-वाघोली, पुणे स्टेशन-विश्रांतवाडी, मनपा-माळवाडी, मनपा-कोथरूड डेपो, स्वारगेट-हडपसर, स्वारगेट-धायरी, मनपा-भोसरी, मनपा-निगडी, मनपा-चिंचवड आदी मार्गांवर नॉनस्टॉप किंवा एक्‍स्प्रेस बससेवेचा पहिला टप्पा सुरू करता येईल का? यावर पीएमपी प्रशासन विचार करीत आहे. 

पीएमपीच्या बस घ्या भाड्याने! 
शनिवारी-रविवारी प्रवाशांची वर्दळ कमी असते. त्या दिवशी पीएमपीच्या नॉन एसी बस नागरिकांना भाडेतत्त्वावर देण्याचे पीएमपीने ठरविले आहे. सकाळी सहा ते दुपारी दोन आणि दुपारी दोन ते रात्री दहा या वेळेत या बस मिळतील. त्यासाठी 8 हजार रुपये भाडे असेल. पूर्ण दिवसासाठी 16 हजार रुपये भाडे आकारण्यात येईल. पीएमपी चालकासह बस उपलब्ध करून देणार असून, कोणत्याही कार्यक्रमांना नागरिकांना त्याचा लाभ घेता येईल. याबाबत प्रवाशांना अधिक माहिती 020-24503300 या दूरध्वनी क्रमांकावर मिळेल. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Covishield बनवणाऱ्या कंपनीने ब्रिटिश कोर्टात मान्य केले लसीचे दुष्परिणाम! कोणते साईड एफेक्ट्स होतात जाणून घ्या

Accident News: लग्नाला जात असताना भीषण अपघात; खडी भरलेला हायवा 3 स्कॉर्पिओवर उलटला अन्..., 6 जणांचा मृत्यू

Team India Squad T20 WC : संघाची घोषणा होण्याआधी मोठी अपडेट; टीम इंडियाचा उपकर्णधार बदलणार... पांड्याची जागा घेणार 'हा' खेळाडू?

Share Market Today: शेअर बाजारातील तेजी आजही कायम राहील का? काय आहे तज्ज्ञांचा अंदाज

Latest Marathi News Live Update : विजय शिवतारे उपमुख्यमंत्री अजित पवार यांच्या भेटीला

SCROLL FOR NEXT