Team India Squad T20 WC : संघाची घोषणा होण्याआधी मोठी अपडेट; टीम इंडियाचा उपकर्णधार बदलणार... पांड्याची जागा घेणार 'हा' खेळाडू?

Team India Squad T20 World Cup 2024 : टी-20 वर्ल्ड कप 2024 चा थरार 1 जूनपासून वेस्ट इंडिज आणि अमेरिकेत रंगणार आहे. 20 संघांमध्ये खेळल्या जाणाऱ्या या स्पर्धेसाठी लवकरच टीम इंडियाची घोषणा केली जाऊ शकते.
Rishabh Pant may replace Hardik Pandya as the Indian vice-captain
Team India Squad T20 World Cup 2024 Rishabh Pant may replace Hardik Pandya as the Indian vice-captain News Marathisakal

Team India Squad T20 World Cup 2024 : टी-20 वर्ल्ड कप 2024 चा थरार 1 जूनपासून वेस्ट इंडिज आणि अमेरिकेत रंगणार आहे. 20 संघांमध्ये खेळल्या जाणाऱ्या या स्पर्धेसाठी लवकरच टीम इंडियाची घोषणा केली जाऊ शकते. या सगळ्या दरम्यान संघ निवड बैठकीपूर्वी एक मोठी बातमी समोर येत आहे. या बैठकीत संघाच्या उपकर्णधाराबाबतही मोठा निर्णय घेतला जाऊ शकतो.

Rishabh Pant may replace Hardik Pandya as the Indian vice-captain
Virat Kohli : 'तुमच्यापेक्षा माझा खेळ मी अधिक जाणतो म्हणूनच....' विराट कोहलीने टीकाकारांना दिले उत्तर

टीम इंडियाचा उपकर्णधार बदलणार?

क्रिकबझच्या वृत्तानुसार, टी-20 वर्ल्ड कपसाठी होणाऱ्या संघ निवड बैठकीत उपकर्णधाराच्या नावावर चर्चा होऊ शकते. सध्या हार्दिक पांड्या ही जबाबदारी सांभाळत आहे. मात्र या बैठकीत भारतीय संघाच्या उपकर्णधारपदी ऋषभ पंतची पुनर्नियुक्ती करण्यावर विचार केला जाऊ शकतो. ऋषभ पंतने यापूर्वीही टीम इंडियाच्या उपकर्णधाराची भूमिका निभावली आहे. पण डिसेंबर 2022 मध्ये झालेल्या कार अपघातानंतर तो टीम इंडियासाठी खेळलेला नाही.

Rishabh Pant may replace Hardik Pandya as the Indian vice-captain
T20 WC 24 Team India Squad : हार्दिक पांड्याला मिळणार का संघात जागा अन्‌ दुसरा यष्टिरक्षक कोण? आज सगळे प्रश्न सुटणार

ऋषभ पंत सध्या आयपीएलमध्ये दिल्ली कॅपिटल्सकडून खेळत आहे. लीगच्या या हंगामात त्याची कामगिरी चांगली राहिली आहे. अशा स्थितीत जूनमध्ये होणाऱ्या टी-20 वर्ल्ड कपसाठी तो भारताचा पहिला पसंतीचा यष्टिरक्षक असेल. त्याचबरोबर त्याने कर्णधार म्हणूनही आपली छाप सोडली आहे. त्याने एकदा भारतीय संघाचे कर्णधारपदही भूषवले आहे. जून 2022 मध्ये दक्षिण आफ्रिकेविरुद्धच्या पाच सामन्यांच्या टी-20 मालिकेत पंतने भारतीय संघाचे नेतृत्व केले होते.

Rishabh Pant may replace Hardik Pandya as the Indian vice-captain
IPL 2024, LSG vs MI: मुंबई इंडियन्स वाढदिवशी रोहितला विजयाची भेट देणार? लखनौविरुद्ध रंगणार महत्त्वाचा सामना

हार्दिक पांड्यासाठी आयपीएलचा सध्याचा हंगाम काही खास राहिला नाही. त्याला 9 सामन्यात केवळ 197 धावा करता आल्या आणि केवळ 4 विकेट्स घेतल्या. त्याच वेळी, त्याच्या नेतृत्वाखाली मुंबई इंडियन्सने 9 पैकी 6 सामने गमावले आहेत.

अशा स्थितीत उपकर्णधारपदाची जबाबदारी टी-20 वर्ल्ड कपपूर्वी विचारात घेतली जाऊ शकते. पण भारताचा कर्णधार म्हणून पांड्याच्या क्षमतेकडे दुर्लक्ष करता येणार नाही. गेल्या वर्षी झालेल्या वर्ल्ड कपसाठी त्याला संघाचा उपकर्णधार म्हणून नियुक्त करण्यात आले होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com