पुणे : पुणे शहरात आज नव्याने २ हजार ४०४ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ५० हजार १३३ इतकी झाली आहे. पुणे महापालिका हद्दीत नव्याने ५२ कोरोनाबाधित रुग्णांच्या मृत्यूची नोंद झाली आहे. आजच्या नव्या संख्येसह मृतांची एकूण संख्या ७ हजार ४६१ इतकी झाली आहे. पुणे शहरात उपचार घेणाऱ्या २९ हजार ७०२ रुग्णांपैकी १,३९९ रुग्ण गंभीर तर ६,६४५ रुग्ण ऑक्सिजनद्वारे उपचार घेत आहेत. पुणे शहरात आज एकाच दिवसात ११ हजार ९९६ नमुने घेण्यात आले आहेत.

पुणे शहराची एकूण टेस्ट संख्या आता २२ लाख ९९ हजार ५८३ इतकी झाली आहे. शहरातील ३ हजार ४८६ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख १२ हजार ९७० झाली आहे. पुण्यातील कोरोना रुग्णसंख्या नियंत्रणात आणण्यासाठी मिळवलेल्या यशाबद्दल केंद्र सरकारने पुण्याचं कौतुक केले. मात्र, हे आपल्या सर्वांचं सामूहिक यश आहे. मात्र यशाने हुरळून न जाता आपल्याला आणखी जोमाने काम करणे आवश्यक आहे आणि त्यासाठी आपले आहे असेच सहकार्य अपेक्षित आहे, असं मत पुण्याचे महापौर मुरलीधर मोहोळ यांनी व्यक्त केलं आहे.