पुणे : पुणे - मिरज रेल्वे मार्गाच्या दुहेरीकरण व विद्युतीकरणाचे काम सुरू आहे. आतापर्यंत २८० किलोमीटरपैकी १९० किलोमीटरच्या मार्गावर दुहेरीकरण पूर्ण झाले आहे. या मार्गावरून रोज सरासरी ४० प्रवासी रेल्वे धावतात. दुहेरीकरण पूर्ण झाल्याने या गाड्यांना आता कोणत्याही सेक्शनमध्ये क्रॉसिंगसाठी थांबावे लागणार नाही. परिणामी रेल्वे प्रवासात सुमारे २० ते ३० मिनिटांची बचत होणार आहे.
पुणे - मिरज रेल्वे मार्गावर नुकतेच ब्लॉक घेऊन पाच किमीचा सेक्शन प्रवासी सेवेत दाखल करण्यात आला आहे. त्यामुळे आता १९० किलोमीटरच्या मार्गावर दुहेरीकरण पूर्ण झाले आहे. उर्वरित ९० किलोमीटर मार्गावर दुहेरीकरण व विद्युतीकरणाचे काम होण्यास आणखी एक वर्षाचा कालावधी लागेल.
हे काम पूर्ण झाल्यानंतर प्रवासी गाड्यांच्या वेळेत आणखी बचत होणार आहे. शिवाय या मार्गावर रेल्वे चालविण्याची क्षमतादेखील वाढणार आहे. परिणामी वर्षभरानंतर पुणे - मिरज मार्गावर रेल्वे गाड्यांची संख्या वाढेल. गाड्यांची संख्या व गती दोन्हीही वाढणार असल्याने प्रवाशांचा फायदा होईल.
दुहेरीकरण पूर्ण झाल्याने गाड्यांना क्रॉसिंगला थांबावे लागणार नाही. शिवाय यामुळे मार्गावर गाड्या चालविण्याची क्षमता वाढणार आहे.
- बी. के. सिंग, अतिरिक्त विभागीय रेल्वे व्यवस्थापक, पुणे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.