खडकवासला : यंदाचा मान्सून खडकवासला धरण साखळीत धरणात १२० टक्के बरसला. हा सर्वाधिक पाऊस पानशेत- वरसगावमध्ये झाला. खडकवासला धरणातून आज अखेर सुमारे ३१ टीएमसी पाणी सोडले आहे. तरी ही चार धरणात आज अखेर २९.११ टीएमसी म्हणजे १०० टक्के भरलेली आहेत.

खडकवासला धरण मुठा नदीवर आहे. एक जुलै रोजी ०.४२ टीएमसी म्हणजे २१.३९ टक्के पाणीसाठा होता. त्यानंतर, पाऊस वाढत गेला. म्हणजे १२ दिवसात २२८ मिलीमीटर पाऊस झाला खडकवासला धरण १२ जुलै रोजी धरण १०० टक्के भरले.

पानशेत धरण अंबी नदीवर बांधले आहे. यंदा ३ जुलै २०२२ रोजी १.०६ टीएमसी म्हणजे ९.९३ टक्के पाणीसाठा शिल्लक होता. पानशेतमध्ये १० ऑगस्ट २०२२ अखेर एक हजार ७३० मिलिमिटर पाऊस झाला होता. त्यामुळे, धरण १०० टक्के भरेल.

वरसगाव धरण मोसे नदीवर बांधले आहे. यंदा २ जुलै २०२२ रोजी ०.९९ टीएमसी म्हणजे ७.७१ टक्के पाणीसाठा शिल्लक होता. वरसगाव धरण १३ ऑगस्ट २०२२ रोजी एक हजार ९२९ मिलिमिटर पाऊस झाला होता. या दिवशी सकाळी सहा वाजता १०० टक्के भरले.

टेमघर धरण मुळशी तालुक्यातील मुठा नदीवर बांधले आहे. या धरणात शून्य टक्के पाणीसाठा शिल्लक होता. १९ ऑगस्ट २०२२ रोजी अखेर या धरणात एक जून पासून दोन हजार ८४७ मिलीमीटर पाऊस पडला आहे. पहाटे तीन वाजता धरणात ३.७१ टीएमसी पाणीसाठा जमा झाला अन भरून वाहू लागले.

पावसामुळे ६०.१५ टीएमसी पाणी जमा

यंदा धरणात पडलेल्या पावसामुळे ६०.१५ टीएमसी पाणी जमा झाले होते. आज अखेर खडकवासला धरणातून आज अखेर २२.७५ टीएमसी पाणी मुठा नदीत सोडले आहे. कालव्यातून शेतीसाठी ४.५० टीएमसी पाणी सोडले. तर पुणे शहराला सुमारे तीन टीएमसी पाणी घेतले. अशा प्रकारे ३१ टीएमसी पाणी सोडल्यानंतर हि अखेर धरणात २९.१५ टीएमसी १०० टक्के पाणी साठा शिल्लक आहे.

धरणाचे नाव- एक जून पासूनचा एकूण पाऊस(मिलिमीटर)/ वार्षिक सरासरी(मिलिमीटर)/ सरासरीची टक्केवारी

• खडकवासला- ७३७/८००/९२.१३

• पानशेत- २५२७/२१००/१२०.३३

• वरसगाव- २५२३/२१०१/१२०.०९

• टेमघर- ३४२५/३५००/९७.८७