Manchar Latest News: कुकडी प्रकल्पांतर्गत असलेल्या आंबेगाव तालुक्यातील हुतात्मा बाबू गेनू जलाशय (डिंभे धरण) उजवा कालव्यात बुधवारी (ता.७) १५० क्यूसेक्स क्षमतेने पाणी सोडण्यात आले आहे. आंबेगाव- शिरूर तालुक्यांतील सुमारे ६० गावांतील विहिरींच्या पाण्याच्या पातळीत वाढ होणार असून, याबद्दल शेतकऱ्यांनी समाधान व्यक्त केले.
याबाबत डिंभे धरणाचे कार्यकारी अभियंता प्रशांत कडुसकर म्हणाले “डिंभे धरण ९१.९२ टक्के भरले आहे. त्यामुळे धरणातून घोड नदीत ४हजार क्यूसेक्स विसर्ग कमी करून २हजार ५०० क्यूसेक्स करण्यात आला आहे.
गेल्या वर्षी ता.७ ऑगस्ट रोजी एकून ३६२ मिलीमीटर पाऊस झाला होता. डिंभे धरण ८१.४६ टक्के भरले होते. यावेळी बुधवारपर्यंत एकून ७९१ मिलीमीटर झाला आहे. डिंभे धरण ९१.९२ टक्के भरले आहे.”
उजव्या कालव्यातील पाण्याचे घोडेगाव, नारोडी, लांडेवाडी, मंचर, शेवाळवाडी, अवसरी खुर्द, गावडेवाडी, मेंगडेवाडी, जारकरवाडी आदी गावातील शेतकऱ्यांनी नारळ व फुले वाहून पूजन केले. शुक्रवार (ता.९) पर्यंत कालव्यातील पाणी शिरूर तालुक्यातील गावांपर्यंत जाईल असा विश्वास डिंभे धरणाचे उपअभियंता दत्ता कोकणे यांनी व्यक्त केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.