पुणे : महापालिकेच्या (PMC) निवडणुकीत मनसेच्या(MNS) नगरसेवकांची (corporator) संख्या दोन अंकी करण्यासाठी पक्षाकडून तयारी सुरू आहे. त्याच पार्श्‍वभूमीवर मनसेचे अध्यक्ष राज ठाकरे (Raj Thackeray) स्वतः पदाधिकारी निवडण्यासाठी मुलाखती(Interview) घेणार आहेत. त्यासाठी आज(ता.28) सकाळीच 9.30 च्या सुमारास राज ठाकरे नवी पेठेतील(Navi peth) पक्षाच्या कार्यालयात(Party Office) दाखल झाले विशेष म्हणजे त्यांचा पंधरा दिवसांच्या आत हा दुसरा तीन दिवसांचा दौरा आहे. (Raj Thackeray arrives in Pune for three-day tour)

येत्या महापालिका निवडणूकीत पुर्ण ताकदीने उतरण्याची तयारी मनसेने सुरु केली आहे. निवडणुकांच्या पार्श्वभूमीवर पुणे नाशिक मुंबईकडे लक्ष देणार आहे. राज ठाकरे यांनी नुकताच पुण्यात तीन दिवस मुक्‍काम करून सर्व मतदारसंघातील पदाधिकारी, माजी नगरसेवक, प्रभागप्रमुख आदींशी चर्चा केली. त्यानुसार २८ ते ३० जुलै असा तीन दिवसीय दौरा निश्‍चित करण्यात आला आहे. बुधवारी सकाळी ९ ते दुपारी १२ या वेळेत कसबा, पर्वती आणि हडपसर या मतदारसंघाच्या मुलाखती होणार आहेत. गुरुवारी शिवाजीनगर, कोथरूड आणि कँटोन्मेंट मतदारसंघाच्या व शुक्रवारी खडकवासला, वडगावशेरी मतदारसंघाच्या मुलाखती होणार आहे.