पुणे - फॅशनची दुनिया अशी आहे की, एकदा यात पडाल तर त्यातच गुंताल. आपण काय घालतो, कसे दिसतो याकडे महिलांचे नेहमीच लक्ष असते. नेहमी ट्रेंडिंग कपडे घालावेत, अशी इच्छा महिला आणि मुलींच्या मनात असते. ‘सकाळ शॉपिंग फेस्टिव्हल’मध्ये हेच चित्र शुक्रवारी (ता. १०) दिसले.

ताज्या बातम्यांसाठी डाऊनलोड करा ई-सकाळचे ऍप

फेस्टिव्हलमध्ये कपड्यांच्या; तसेच ज्वेलरीच्या स्टॉलवर महिला, मुलींनी गर्दी केली. त्यांच्या आवडीचे फॅशनेबल कपडे माफक किमतीत येथे मिळत असल्याने ही गर्दी झाली. गृहसजावटीच्या वस्तूंचे असंख्य पर्याय उपलब्ध आहेत. किचन अपलाईन्सेस, मसाले, फर्निचर, खाद्यपदार्थ, चारचाकी गाड्यांचे स्टॉल अनेकांच्या आकर्षणाचे केंद्रबिंदू ठरले. अनेक वस्तू होलसेल दरामध्ये खरेदी करण्याची संधी ग्राहकांना आहे. सोमवारपर्यंत (ता. १३) हा फेस्टिव्हल सकाळी अकरा ते रात्री नऊ वाजेपर्यंत खुला राहणार आहे.

गेल्या ११ वर्षांपासून मी फेस्टिव्हलमध्ये कपड्यांचे स्टॉल मांडत आहे. सामान्यांना परवडेल अशा कपड्यांच्या किमती ठेवल्या आहेत.
- संगीता गुप्ता, स्टॉलधारक

शॉपिंग करताना नेहमी बजेटचा विचार करावा लागतो; पण या फेस्टिव्हलमध्ये खरेदी करताना अस काही वाटलं नाही. कारण येथे उपलब्ध असलेले कपडे आणि या इमिटेशन ज्वेलरी यांच्या किमती फार कमी आहेत.
- संध्या जाधव, नागरिक