पुणे - घरखरेदीसाठीचा लोकप्रिय ‘वास्तू एक्‍स्पो’चे आयोजन ‘सकाळ माध्यम समूहा’तर्फे करण्यात आले आहे. उद्या ता. १६ ते १७ फेब्रुवारीपर्यंत दोन दिवस हॉटेल प्राइड, विद्यापीठ रस्ता, शिवाजीनगर येथे हे एक्‍स्पो चालणार आहे.

‘सकाळ वास्तू एक्‍स्पो २०१९’मध्ये नामवंत बांधकाम कंपन्यांचे रेरा नोंदणीकृत गृहप्रकल्पांमधील आवाक्‍यातील घरे, छोट्या सदनिकांपासून आलिशान पेंट हाऊस, बंगला आदी विविध प्रकारांतील घरांची इत्थंभूत माहिती येथे मिळेल. तसेच गृहप्रकल्पांमधून मिळणाऱ्या सुविधा, लोकेशन, आसपासचा विकसनशील परिसर अशा शंकांचे समाधान करण्यासाठी हा ‘एक्‍स्पो’ मदतीचा ठरणार आहे. या प्रदर्शनात ३० हून अधिक बांधकाम व्यावसायिकांच्या १५०हून अधिक गृह व व्यावसायिक प्रकल्पांची माहिती उपलब्ध असणार आहे. 

ठिकठिकाणी असलेले गृहप्रकल्प, त्यांचे बजेट, त्यामध्ये मिळणाऱ्या सुविधा, कोठे घरांमधील गुंतवणूक अधिक फलदायी ठरू शकते अशा विविध बाबींची माहिती एकाच छताखाली ग्राहकांना मिळणार आहे. तसेच ग्राहकांना ‘एक्‍स्पो’मध्ये बांधकाम कंपन्यातर्फे दिल्या जाणाऱ्या सवलतींचा लाभ मिळू शकणार आहे. तेव्हा भेट द्या अन्‌ बुक करा तुमच्या स्वप्नातील घर.

सकाळ वास्तू प्रॉपर्टी एक्‍स्पो 
  कधी : १६ व १७ फेब्रुवारी 
  कुठे : हॉटेल प्राइड, विद्यापीठ रस्ता, शिवाजीनगर 
  वेळ : सकाळी ११ ते रात्री ८ 
  प्रवेश विनामूल्य