पुणे : लग्नाचा बहाणा करुन उद्योजक तरुणीचे लैंगिक व आर्थिक शोषण. 29 वर्षीय पत्नीने पतीविरुद्ध वानवडी पोलीस ठाण्यात बलात्कार व आर्थिक फसवणुकीचा गुन्हा  दाखल झाला आहे.अमित रंजन महापात्रा (वय 30, रा. बाणेर) असे गुन्हा दाखल झालेल्या व्यक्तीचे नाव आहे. ही घटना 7 जुलै ते  5 ऑक्टोबर या कालावधीमध्ये तरुणाच्या बाणेर येथील घरी व मुंबईतील एका हॉटेलमध्ये घडली.

तरूणी वडीलोपार्जित व्यवसाय पुढे नेत आहे. महापात्रा व तरुणीची ओळख झाली. महापात्रा हा नोकरी किंवा व्यवसाय करत नाही. तरुणीच्या कुटुंबीयासमोर त्याने तिला मंगळसूत्र घालुन कुंकु लावले. लग्न केल्याचे भासविले. त्यानंतर त्याच्या घरी व मुंबईतील एका नामांकित हॉटेलमध्ये तरुणीशी शारीरीक संबंध ठेवले. त्यानंतर व्यवसायासाठी तरुणीकडुन 4 लाख रुपये घेतले. त्यानंतरही त्याच्यामध्ये सुधारणा झाली नाही, अखेर तरुणीने त्याच्याविरुद्ध गुन्हा दाखल केला.