पुणे - गुंड शरद मोहोळच्या खूनप्रकरणातील मुख्य सूत्रधार असलेला विठ्ठल शेलार आणि त्याच्या साथीदाराची पुणे पोलिसांनी शनिवारी (ता. २०) मुळशी आणि हिंजवडी परिसरातून धिंड काढली. शेलार मुळशी तालुक्यात आणि हिंजवडीमध्ये जमीन खरेदी-विक्री व्यवसायात सक्रिय होता.
मोहोळच्या खूनप्रकरणात विठ्ठल शेलार, साहिल ऊर्फ मुन्ना पोळेकर, नामदेव कानगुडे, अमर कानगुडे, चंद्रकांत शेळके, विनायक गव्हाणकर, विठ्ठल गांदले, रामदास मारणे यांच्यासह १५ जणांना अटक करण्यात आली आहे. शेलार आणि गणेश मारणे या गुन्ह्यातील मुख्य सूत्रधार असल्याचे तपासात उघडकीस आले आहे. त्यामुळे पुणे पोलिसांच्या गुन्हे शाखेने शेलार आणि त्याचा साथीदार रामदास मारणे यांची मुळशी, तसेच हिंजवडी भागातून धिंड काढली.
शेलार मुळशी तालुक्यात जमीन खरेदी-विक्री व्यवसायात सक्रिय होता. मोहोळ खूनप्रकरणातील मुख्य सूत्रधार गणेश मारणेचा तो जवळचा साथीदार म्हणून ओळखला जातो. शेलारवर खून, खुनाचा प्रयत्न, गोळीबार असे गंभीर स्वरूपाचे गुन्हे दाखल आहेत.
शेलार आणि मारणे यांनी साथीदारांशी संगनमत करून मोहोळचा खून केला आहे. खून करण्यापूर्वी शेलार, मारणे आणि साथीदारांची बैठक झाली होती, असे पोलिस तपासातून पुढे आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.