पुणे

दहावीच्या विद्यार्थ्यांना बसणार सुखद धक्का? 

सकाळवृत्तसेवा

पुणे - दहावीच्या बदललेल्या अभ्यासक्रमाची पाठ्यपुस्तके या आठवड्यात विद्यार्थ्यांच्या हातात पडणार आहेत. त्यामुळे दरवर्षी पाठ्यपुस्तके मिळण्यास होणाऱ्या विलंबाच्या पार्श्‍वभूमीवर "बालभारती'कडून पुस्तके वेळेत देण्याचा सुखद धक्का विद्यार्थी-पालकांना मिळणार आहे. त्यामुळे दहावीच्या परीक्षेची तयारी एप्रिलपासूनच करता येणार आहे. 

काही शाळांचे दहावीचे नव्या वर्षाचे वर्ग या महिन्याच्या पहिल्या तर काही शाळांचे वर्ग दुसऱ्या आठवड्यात सुरू होत आहेत. मात्र, पाठ्यपुस्तके बाजारात उपलब्ध झालेली नाहीत. पाठ्यपुस्तके वेळेत उपलब्ध करून देण्यात येतील, असे "बालभारती'च्या वतीने दरवर्षी सांगण्यात येते, मात्र ही पुस्तके वेळेत उपलब्ध होत नाहीत. नववीची वार्षिक परीक्षा संपताच विद्यार्थ्यांचा दहावीचा अभ्यास सुरू होतो. त्यामुळे विद्यार्थ्यांबरोबरच पालकही बाजारात पुस्तके येण्याची वाट पाहत असतात. 

यावर्षी दहावीसह पहिली आणि आठवीचा अभ्यासक्रम बदला आहे. ज्ञानरचनावाद या रचनेनुसार अध्यापन सुलभ व्हावे, अशा दृष्टीने नव्या अभ्यासक्रमाची आखणी केली आहे. यापूर्वीचा अभ्यासक्रम घोकंपट्टी, पाठांतरावर भर असणारा होता. आता कृतिशील आणि उपाययोजना यावर आधारित अभ्यासक्रमाला प्राधान्य दिले आहे. त्यामुळे आता दहावीसह आठवीच्या विद्यार्थ्यांना एखाद्या विषयाचा धडा वाचल्यानंतर; "तुम्हाला काय संदेश मिळाला', "तुमचे मत सांगा', "...याचे महत्त्व तुमच्या शब्दांत मांडा', "तुम्ही केलेली निरीक्षणे नोंदवा', अशा स्वरूपाचे प्रश्‍न धड्याखाली विचारल्याचे दिसणार आहे. इयत्ता आठवी आणि पहिलीची बदललेल्या अभ्यासक्रमाची पाठ्यपुस्तकेही टप्प्याटप्याने बाजारात येतील, असे सांगण्यात आले आहे. 

""दहावीच्या पाठ्यपुस्तकाचे वितरण एप्रिलच्या पहिल्या आठवड्यापासून सुरू होणार आहे. दहावीच्या सर्व माध्यमांची सर्व पाठ्यपुस्तके "बालभारती'च्या राज्यातील दहा डेपोमध्ये येत्या मंगळवार (ता.3)पासून वितरकांसाठी उपलब्ध होतील. वितरकांमार्फत पाठ्यपुस्तकांची खरेदी झाल्यानंतर दोन ते तीन दिवसांत ही पुस्तके बाजारपेठेत येतील.'', 
- सुनील मगर, संचालक, बालभारती 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IPL 2024 LSG vs RR : केएल शेर तर संजू सवा शेर! राजस्थानचा एक पाय प्ले ऑफमध्ये

DC vs MI : गोलंदाजीतली 'गळती' मुंबईच्या मुळावर; बॅटिंगमध्ये फर्स्ट क्लास तर बॉलिंगमध्ये नापास

Jolly LLB 3 : आता रंगणार जॉली विरुद्ध जॉली केस; सिनेमाच्या शूटिंगबाबत महत्त्वाची अपडेट आली समोर

Google वर जाहिराती करण्यासाठी भाजपने खर्च केले 100 कोटी; BJP पहिल्या स्थानावर तर काँग्रेस कितव्या स्थानावर? वाचा सविस्तर...

CM Yogi Aadityanath : ''काशी अन् अयोध्येनंतर आता मथुरेकडे प्रस्थान...'' योगी आदित्यनाथांचे स्पष्ट संकेत

SCROLL FOR NEXT