पिंपरी - वाकड परिसरातील पाण्याचा प्रश्‍न अद्याप सुटला नसून या भागामध्ये पुन्हा एकदा टॅंकरलॉबी ‘पॉवरफूल’ झाली आहे. सोसायट्यांना पुरेसे पाणी देण्याबाबत महापालिकेने दिलेले आश्‍वासन फोल ठररल्याने नागरिक संतापले आहेत.

ताज्या बातम्यांसाठी डाऊनलोड करा ई-सकाळचे ऍप

‘सध्या पाण्याची गरज पूर्ण करण्यासाठी सोसायट्यांना टॅंकरसाठी द्याव्या लागणाऱ्या रकमेची बिले फेब्रुवारी अखेरीस महापालिका आयुक्‍तांना देणार,’’ असल्याचे पिंपरी-चिंचवड हौसिंग फेडरेशनचे अध्यक्ष सुदेश राजे यांनी सांगितले. शहराला दररोज पाणीपुरवठा होत असताना सोसायट्यांना साडेतीन तास पाणी मिळत होते. एक दिवसाआड पाणीपुरवठा झाल्यानंतरही यावेळेमध्ये कोणतीही वाढ झालेली नाही. पाणीचा दाबही कमीच झाला आहे. त्यामुळे सोसायट्यांमधील पाण्याच्या टाक्‍या भरत नाहीत. पाण्याची गरज पूर्ण करण्यासाठी येथील सोसायट्यांना पुन्हा एकदा टॅंकर मागवावे लागत आहेत. टॅंकरचा खर्च वाढल्यामुळे सोसायटीच्या देखभाल खर्चातही वाढ करावी लागली आहे.

महापालिकेकडून वाकड भागात पाणीपुरवठा सुरळीत आहे. या भागातील सोसायट्यांना अडचण असल्यास तक्रार करावी. त्याची शहानिशा करून प्रश्‍न मार्गी लावण्यात येईल. 
- मकरंद निकम, सहशहर अभियंता, पाणीपुरवठा