मंचर, ता. ५ : आदर्श गाव गावडेवाडी (ता.आंबेगाव) येथील हिरकणी विद्यालयाच्या मैदानात मंगळवारी (ता.४) महाराष्ट्र पोलिस वर्धापन दिन सप्ताहानिमित्त पुणे ग्रामीण पोलिस अधीक्षक कार्यालयाच्या पोलिस दल बँड पथकाने देश भक्तीपर गीत वाजवून साजरा करण्यात आला. यावेळी पोलिसांनी विद्यार्थिनी व महिला संदर्भात असलेले कायदे, त्यातील शिक्षेची तरतूद यासंदर्भात जनजागृती व मार्गदर्शन केले.
संरपंच स्वरूपा ऋषीकेश गावडे, माजी सरपंच मनीषा गावडे, संतोष गावडे, मुख्याध्यापक विनोद बोंबले यांनी पोलिस दल बँड पथकाचे स्वागत केले. पोलिस उपनिरीक्षक रूपाली पवार, पोलिस उपनिरीक्षक सोमेश्र्वर शेटे यांनी भारतीय दंडविधान कायदे मुंबई पोलिस अधिनियम व इतर कायद्यासंदर्भात मार्गदर्शन केले.
मंचर पोलिस ठाण्याचे गणपत डावखर, राजेश नलावडे, सोमेशवर वाफगावकर, मोनिका राक्षे आदी वर्धापन दिन कार्यक्रमात सहभागी झाले होते. कोरोना योद्धा पुरस्कार देऊन अंगणवाडी सेविकांचा सत्कार करण्यात आला.
मुख्याध्यापिका एस. बी. लोंढे व पुणे ग्रामीण बँड पथकाचे सहायक फौजदार एस. बी काळे यांनी व्यवस्था पाहिली.
04661
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.