बारामती, ता. १ : उपमुख्यमंत्री अजित पवार यांनी केलेल्या आवाहनाला प्रतिसाद देत बारामतीकरांनी तीन दिवसात २७ लाखांची मदत मुख्यमंत्री सहायता निधीसाठी देऊ केली आहे.
सोमेश्वर सहकारी साखर कारखाना १५ लाख, नवनाथ ग्रामीण बिगर शेती सहकारी पतसंस्था, करंजे अडीच लाख, अक्षय शिंदे फाउंडेशन दोन लाख, बारामती तालुका सहकारी खरेदी विक्री संघ एक लाख, बारामती कृषी उत्पन्न बाजार समिती एक लाख, शंकर ग्रामीण बिगर शेती सहकारी पतसंस्था एक लाख, संदीप जगताप आणि भारत गावडे यांनी प्रत्येकी एक लाख, बारामती सराफ असोसिएशन ७५ हजार, पंकज निलाखे यांनी ५१ हजार, श्रीपाल नागरी पतसंस्था ५१ हजार, बारामती तालुका मराठा सेवा संघ २५ हजार, नितीन आटोळे २५ हजार, बारामती तालुका सहकारी पतसंस्था फेडरेशन २१ हजार, अजयश्री बिगर ग्रामीण सहकारी पतसंस्था, मुरूम २१ हजार, बारामती तालुका आजी माजी सैनिक संघटना ११ हजार, छत्रपती शिवाजी महाराज विकास सोसायटी १० हजार, सुनील राजेभोसले १० हजार रुपयांचा धनादेश मुख्यमंत्री सहायता निधीसाठी उपमुख्यमंत्री अजित पवार यांच्याकडे सुपूर्त केला. करंजेपूल येथे राजनंदिनी आणि राजवीर मालेगावकर यांनी खाऊचे जमा केलेले २३०० रुपये रोख रक्कम पूरग्रस्तांना मदत म्हणून दिली. अजित पवार यांनी त्यांचे कौतुक केले. दरम्यान, नटराज नाटय कला मंडळाच्या वतीने मदतीचे आवाहन किरण गुजर यांनी केले असून त्यालाही बारामतीकरांनी प्रतिसाद दिला आहे.