बारामती, ता. ७ : बारामती येथील अजिंक्य संस्थेच्या वतीने रविवारी (ता. १२) दान दिन उपक्रम आयोजित करण्यात आला आहे. संस्थेचे अध्यक्ष करण शहा (वाघोलीकर) यांनी याबद्दल माहिती दिली. दरवर्षी या संस्थेच्या वतीने समाजातील दानशूर व्यक्तींकडून जुने कपडे, ब्लँकेट, पुस्तके, खेळणी, शालोपयोगी साहित्याच्या स्वरुपात मदत स्वीकारुन ती ‘गुंज’ या स्वयंसेवी संस्थेकडे सुपूर्द केली जाते. गतवर्षी संस्थेच्या वतीने चार ट्रक मदत केली गेली होती. दान आलेल्या साहित्यावर योग्य ती प्रक्रिया करुन मगच ते साहित्य गरजूंपर्यंत पोहोचविण्याचे काम अजिंक्य संस्था करते, अशी माहिती वाघोलीकर यांनी दिली. यंदा ज्या दानशूर व्यक्तींना राज्यातील पूरग्रस्तांसाठी मदत देण्याची इच्छा असेल ती मदतही
यावेळी स्वीकारली जाणार आहे. बारामती नगरपालिकेसमोर रविवारी (ता. १२) सकाळी आठ ते संध्याकाळी पाच वाजेपर्यंत ही मदत स्विकारली जाईल. ज्या गरजू व्यक्तींना मदतीची इच्छा आहे त्यांनी या दान दिन उपक्रमात सहभागी व्हावे असे आवाहन संयोजकांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.