पुणे

चाकण-शिक्रापूर मार्गावर गुंडांचा रात्री धुमाकूळ

CD

चाकण, ता.७ : कडाचीवाडी (ता. खेड) येथील सराईत गुंड महेश कड याच्या टोळीवर पोलिसांनी धडक कारवाई केली आहे. याप्रकरणी सराईत गुंड आरोपी महेश कड, राहुल पंडित, पप्पू कड, अविनाश शिंदे या चौघांना अटक करण्यात आली आहे. त्यांना पोलिस कोठडी देण्यात आली आहे, अशी माहिती पोलिस उपायुक्त बापू बांगर, चाकणचे वरिष्ठ पोलिस निरीक्षक संजय सोळंके यांनी दिली.
पोलिसांनी दिलेल्या माहितीनुसार,चाकणची कडाचीवाडी येथील सराईत गुंड महेश कड व त्याच्या टोळीने रात्री दीडच्या सुमारास मद्यधुंद अवस्थेत शेलपिंपळगाव, मोहितेवाडी परिसरात दहशत केली. शेलपिंपळगाव येथे एका हॉटेलमध्ये रात्री दीडच्या सुमारास हॉटेलमधील राजेश शिंदे या तरुणाला लोखंडी गजाने डोक्यात हातावर मारहाण केली. या मारहाणीत हा तरुण गंभीर जखमी झाला. या तरुणाला पोलिस ठाण्यात फिर्याद देण्यासाठी आल्यानंतर बोलता येत नव्हते. एका सामाजिक कार्यकर्त्याने या तरुणाला पोलिस ठाण्यात कसेबसे आणले. या गुंडांच्या दहशतीखाली तो होता, त्यामुळे पोलिस ठाण्यातही तो नीट बोलू शकत नव्हता. पोलिसांनी त्याला धीर दिल्यानंतर त्याने झालेला प्रकार सांगितला व फिर्याद दिली. आरोपी महेश कड व त्याच्या साथीदारांनी कडाचीवाडी येथेही एका हॉटेलवर काहींना मारहाण केली. त्याबाबतही पोलिस ठाण्यात तक्रार देण्यात आली आहे. मोहितेवाडीतही काहींना मारहाण केली. सराईत गुंड आरोपी महेश कडवर २०२० मध्ये एकाचा खून केल्याप्रकरणी गुन्हा दाखल आहे. त्यात त्याला अटकही झाली होती. त्याप्रकारामध्ये तो सध्या जामिनावर सुटलेला आहे. त्यानंतर तो साथीदारांच्या साह्याने गुन्हे करत आहे. लोकांमध्ये दहशत पसरवत आहे. काहींना दमदाटी करत आहे. त्याच्यावर चाकण पोलिस ठाण्यात सहा गुन्हे दाखल आहेत.

आरोपी गुंड महेश कड व त्याच्या टोळीने शेलपिंपळगाव, मोहितेवाडी परिसरात दहशत निर्माण केली व मारहाण केली. आरोपी गुंडांनी दहशत निर्माण केल्याचे सीसीटीव्ही फूटेज ही पोलिसांना मिळाले आहेत. या टोळीतील इतर साथीदारांवरही गुन्हे दाखल आहेत. हे आरोपी आम्ही डॉन म्हणून परिसरात दहशत निर्माण करत होते. आरोपींनी अजून काही प्रकार केला असेल कुणाला दादागिरी, दमदाटी मारहाण केली असेल त्यांनी चाकण पोलिस ठाण्याशी संपर्क साधावा.
- संजय सोळंके, वरिष्ठ पोलिस निरीक्षक

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Miraj Clash: मिरजेत दोन गटात राडा; तणाव नियंत्रणात, स्वतः एसपी उतरले रस्त्यावर

Himachal Pradesh Bus Landslide : हिमाचल प्रदेशातील बिलासपूरमध्ये भीषण दुर्घटना; बसवर दरड कोसळून १८ जणांचा मृत्यू!

वैद्यकीय शिक्षण घेणाऱ्या तरुणीची आत्महत्या! वडील महावितरणमध्ये वरिष्ठ अधिकारी; अभ्यासात हुशार, घरची स्थिती चांगली, बहीणही मेडिकललाच, तरी केली उचलले टोकाचे पाऊल

विद्यापीठाच्या युवा महोत्सवात मानपानावरून कुलगुरुंसमवेत वाद; स्टेजवर बोलावून मानमान न दिल्याने अधिसभा व व्यवस्थापन परिषदेचे सदस्य सत्कार न स्विकारताच परतले

मोठी ब्रेकिंग! सोलापुरातील समर्थ सहकारी बॅंकेच्या व्यवहारावर ‘आरबीआय’चे निर्बंध; काय आहेत निर्बंध, वाचा...

SCROLL FOR NEXT