दौंड, ता. ७ : शहरात कत्तलीसाठी आणलेल्या सहा गायींची पोलिसांकडून सुटका करण्यात आली आहे. कत्तलीसाठी गायी आणून त्यांचा छळ केल्याप्रकरणी एकाविरुद्ध गुन्हा दाखल करण्यात आला आहे. शहरातील वडार गल्ली येथे सोमवारी (ता. ६) ही कारवाई करण्यात आली. गोहत्या करणाऱ्या टोळीतील सदस्यांनी एकूण सहा गायी या वडार गल्लीच्या मैदानातील झुडपांमध्ये कत्तलीसाठी बांधल्या होत्या. गोरक्षकांना याची माहिती मिळताच त्यांनी घटनास्थळी जाऊन पडताळणी केली. त्यानंतर ११२ या पोलिस मदत क्रमांकावर संपर्क साधून गायींविषयी माहिती दिली. त्यानुसार दौंड पोलिसांचे एक पथक तेथे पोचले व त्यांनी या गायींची सुटका केली. या गायींची एका गोशाळेत रवानगी करण्यात आली आहे. दौंड पोलिस ठाण्यात अंमलदार नजीर तांबोळी यांच्या फिर्यादीनुसार अझिम मुस्ताक कुरेशी (रा. खाटीक गल्ली, दौंड) विरुद्ध या प्रकरणी गुन्हा दाखल करण्यात आला आहे. प्राण्यांचा छळ प्रतिबंधक अधिनियम आणि महाराष्ट्र पशू संरक्षण अधिनियमातील विविध कलमान्वये गुन्हा दाखल करण्यात आला. अझिम कुरेशी याच्याविरुद्ध यापूर्वी देखील दौंड पोलिस ठाण्यात गोहत्या व गोमांस साठा प्रकरणी गुन्हे दाखल आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.