देऊळगाव राजे, ता. ७ : दौंड तालुक्यात जोरदार पाऊस झाल्यामुळे कपाशीसह खरीप हंगाम लांबणीवर गेला आहे. काही शेतांना वाफसा आल्याने शेतकऱ्यांनी कपाशीच्या लागवडी व मशागतीची कामे सुरू केली आहे. परंतु वेळेत वाफसा न होण्यामुळे चालूवर्षी कपाशी लागवडीत घट होण्याची शक्यता आहे.
तालुक्यात मे महिन्यात सर्वत्र जोरदार पाऊस झाला आहे. पावसामुळे शेतामध्ये पाणी साचून विहिरी, कूपनलिका पाण्याने भरल्या आहेत. सिमेंटी व माती बंधारे भरून वाहत आहे. सातत्याच्या पावसामुळे अनेक पिकांचे नुकसान झाले आहे. वाफशाअभावी ऊस लागवडी रखडल्या आहेत. अनेक शेतकऱ्यांनी पेरणी करण्यासाठी बियाणेही खरेदी करून ठेवले आहे. शेतकरी शेताला वाफसा होण्याची वाट पाहत आहे.
दरम्यान, हलक्या व चढावरील शेतांना वाफसा होऊ लागला आहे. यामुळे शेतकऱ्यांनी मशागतीची कामे सुरू करून कपाशी, मका पिकाची लागवड सुरू झाली आहे. तर उसाच्या लागवडीसाठी मशागतीची कामे सुरू आहेत. उडीद, सोयाबीन पेरण्यांना वेग येणार आहे. एकंदरीत जादा झालेल्या पावसामुळे शेतकऱ्यांचे पिकांचे नियोजन कोलमडले आहे.

पावसामुळे नुकसान झालेल्या पिकांची नावे : कलिंगड, खरबूज, मका,कडवळ, उडीद, भाजीपाला, फळबागा

खरीप हंगामात पेरण्या होणाऱ्या पिकांची नावे :
उडीद, सोयाबीन, तूर, बाजरी, गुलाबी कांदा, मका, मूग
खरीप हंगामात लागवड होणाऱ्या पिकांची नावे : कपाशी, मका (उत्पादन), ऊस

कपाशी लागवडीत घटीची शक्यता : तालुक्यात दहा दिवस जोरदार पाऊस झाल्याने अनेक शेतांना किमान पंधरा दिवस वाफसा येणार नाही. यामुळे काही शेतकऱ्यांनी कपाशी ऐवजी दुसरे पीक घेण्याकडे कल गेला आहे. परिणामी कपाशीच्या क्षेत्रात चालूवर्षी घट होण्याची शक्यता आहे.

यंदा मे महिन्यात जादा पाऊस झाला आहे. शेताला किमान दोन ते तीन आठवडे वाफसा येणार नाही. यामुळे आम्ही कपाशी लागवड न करण्याचा निर्णय घेतला आहे.
- सचिन काटकर, शेतकरी शिरापूर, ता.दौड

७५०० ते ८००० ...........कपाशीला सध्या मिळत असलेला बाजारभाव (प्रति क्विंटल)

कपाशी बियाणे वाण :
महिको धनदेव 7390,अजित 155,अजित 1199,अंकुर कीर्ती,
राशी 659, राशी 971, कुरनुल जय हो, Us 4708, Us 7067,
कलश केसरी व इतर वाण

लागवड करण्याची पद्धत : साडेचार ते पाच फूट : सरी (पट्टा पद्धत

00563