इंदापूर, ता.१५ : इंदापूर कृषी उत्पन्न बाजार समितीच्या इंदापूर येथील मुख्य बाजार येथे सप्ताहात डाळिंब प्रतिकिलो २७५ रुपये या उच्चांकी बाजारभाव प्राप्त झाला. पेरूला ५५ रुपये प्रतिकिलो तर कांदा प्रतिक्विंटल २ हजार २०० दरापर्यंत विक्री झालेली आहे. नवीन ड्रॅगन फ्रुटचीही आवक होऊन ८१ रुपये प्रतिकिलो झालेली आहे, अशी माहिती बाजार समितीचे सभापती तुषार जाधव यांनी दिली.
इंदापूर बाजार समितीमध्ये खरेदीसाठी आंध्रप्रदेश, कलकत्ता, कर्नाटक, तेलंगणा, मध्यप्रदेश, उत्तरप्रदेश, झारखंड, छत्तीसगड या राज्यातील खरेदीदार डाळिंब, पेरू, ड्रॅगन फ्रूट शेतमाल उच्चांकी दरात खरेदी करीत आहेत. शेतकऱ्यांना सेवा-सुविधा देणेस ही बाजार समिती अग्रेसर आहे. इंदापूर बाजार समिती मुख्यत: भुसार, डाळींब, कांदा, मासे(मासळी), पेरू, सीताफळ, ड्रॅगन फ्रूट, फुले या शेतमालाच्या आवकेकरीता प्रसिद्ध बाजारपेठ आहे.
दरम्यान, बाजार समितीने उपलब्ध केलेल्या सर्व सोयी-सुविधा, विविध योजना व उपक्रमांचा शेतकरी बांधव व व्यापारी, खरेदीदार यांनी लाभ घ्यावा,असेही आवाहन सभापती तुषार जाधव यांनी केले. यावेळी उपसभापती मनोहर ढुके, माजी सभापती आप्पासाहेब जगदाळे माजी आमदार यशवंत माने,विलासराव माने, दत्तात्रय फडतरे,मधुकर भरणे,रोहित मोहोळकर,संग्रामसिंह निंबाळकर, संदीप पाटील, रूपाली संतोष वाबळे, मंगल गणेशकुमार झगडे,आबा देवकाते,संतोष गायकवाड,अनिल बागल,दशरथ पोळ, रोनक बोरा,सुभाष दिवसे यांच्यासह प्रभारी सचिव संतोष देवकर उपस्थित होते.
-
05751