इंदापूर, ता.१८ : दिवसेंदिवस हवामानात बदल होत चालला असून प्रदूषण वाढत चालले आहे याचा परिणाम थेट मानवी जीवनावर होत आहे. यासाठी वृक्षारोपण ही काळाची गरज बनली आहे. हीच गरज ओळखून देशाचे पंतप्रधान नरेंद्र मोदी यांनी एक पेड मा के नाम या उपक्रमांतर्गत १४५ कोटी वृक्ष लागवड देशात करण्यात येत आहे. याच धर्तीवर भाटनिमगाव देवराई वृक्षारोपणाचा उपक्रम कौतुकास्पद असल्याचे प्रतिपादन देशाचे केंद्रीय सहकार व नागरी उड्डाण वाहतूक राज्यमंत्री मुरलीधर मोहोळ यांनी केले.
भाटनिमगाव (ता. इंदापूर) येथे गुरुवारी (ता.१७) देवराई प्रकल्पाअंतर्गत वृक्षारोपण प्रारंभप्रसंगी मोहोळ बोलत होते. यावेळी पुणे जिल्हा परिषदेचे माजी बांधकाम व आरोग्य सभापती प्रवीण माने, भागवत शिंदे, सुशीलकुमार शिंदे, आकाश कांबळे, गजानन वाकसे, मारुती वणवे, बाबासाहेब चवरे, तानाजी थोरात, राम आसबे, किरण गानबोटे, राजकुमार जठार, माऊली वाघमोडे, रमेश खारतोडे, लखन जगताप, रणजीत पाटील, समद सय्यद, अमोल मुळे, मयूर शिंदे, तानाजी मारकड, गणेश देवकर, विकास खिलारे, स्वप्नील सावंत, सतीश पांढरे, कैलास कदम, संतोष नरुटे, विजय शिंदे उपस्थित होते.

05768