जुन्नर, ता. ८ : येथील वल्लभ नागरी सहकारी पतसंस्थेच्या अध्यक्षपदी सुमित परदेशी व उपाध्यक्षपदी नितीन गांधी यांची बिनविरोध निवड झाली.
या पतसंस्थेच्या संचालक मंडळाची पंचवार्षिक निवडणूक नुकतीच बिनविरोध झाली. पतसंस्थेचे बिनविरोध निवडून आलेले सदस्य पुढीलप्रमाणे- उत्तम घुले, दत्तात्रेय म्हस्के, तुषार लाहोरकर, बिहारीलाल परदेशी, सुहास चिखले, नरेंद्र कासार, उज्वला शेवाळे, वैष्णवी चतुर, सखाराम कडलक, लक्ष्मीकांत कुंभार, राजेंद्र जुंदरे, निवडणूक निर्णय अधिकारी म्हणून सहाय्यक निबंधक सचिन सरसमकर यांनी काम पाहिले. माजी आमदार वल्लभ बेनके यांच्या मार्गदर्शनाखाली स्थापन झालेल्या संस्थेच्या निवडणुकीकडे अनेकांचे लक्ष लागले होते. संचालकांच्या अकरा जागांसाठी ३९ जणांनी अर्ज दाखल केले होते. आमदार अतुल बेनके, युवा नेते अमित बेनके यांच्या नेतृत्वाखाली ही निवडणूक बिनविरोध झाली.