केडगाव, ता. ९ : दौंड तालुका कृषी विभागाच्या कार्यालयात पीएम किसान टेबल चालू करण्याची मागणी दौंड तालुका अखिल भारतीय ग्राहक पंचायतीच्या वतीने तालुका कृषी अधिकारी राहुल माने यांच्याकडे केली आहे. माने यांना यावेळी मागणीचे निवेदन देण्यात आले. निवेदनात म्हटले की, तालुक्यातील शेतकरी वर्गाला पीएम किसानबाबत योग्य ती माहिती मिळत नाही. पीएम किसान या केंद्र सरकारच्या योजनेची अडकलेली रक्कम, तसेच शेतकऱ्यांना मार्गदर्शन करणे व त्यांचे पैसे त्यांना वेळेत मिळवून देणे यासाठी पीएम किसान टेबल चालू करणे गरजेचे आहे. यावेळी तालुक्यात शासकीय माती व पाणी परीक्षण सुरू करण्यासंदर्भात चर्चा झाली. यावेळी ग्राहक पंचायत अध्यक्ष प्रमोद शितोळे, विनय लगड, सोमनाथ सोडनवर आदी उपस्थित होते.