शिक्रापूर, ता. २८ : येथील अजित विविध कार्यकारी सेवा सहकारी संस्थेची नुकतीच निवडणूक पार पडली. संस्थेच्या अध्यक्षपदी मनोज टेमगिरे; तर दशरथ खैरे यांची बिनविरोध निवड झाली. अधीन सहाय्यक निबंधक पी. बी. पिसाळ यांनी निवडणूक निर्णय अधिकारी म्हणून काम पाहिले.
११ सदस्यीय संस्थेच्या या पदांच्या निवडणूकीसाठी प्रत्येकी एकेक अर्ज आल्याने निवडणूक बिनविरोध पार पडल्याचे पिसाळ यांनी जाहीर केले. दरम्यान, टेमगिरे हे राष्ट्रवादीचे ज्येष्ठ नेते तथा घोडगंगा सहकारी साखर कारखान्याचे माजी संचालक निळूभाऊ टेमगिरे यांचे चिरंजीव आहेत. तसेच, खैरे हे राष्ट्रवादीचे माजी तालुकाध्यक्ष तथा शिरूर तालुक्याच्या राजकारणात ३० वर्षे कार्यकाल गाजविलेले दिवंगत लोकनेते बाळासाहेब खैरे यांचे बंधू तर शिरूर भाजपचे कार्याध्यक्ष रोहित खैरे यांचे चुलते होत.