कुरुळी, ता. १० : महाळुंगे इंगळे (ता. खेड) येथे महाराष्ट्र कामगार कल्याण मंडळ कामगार कल्याण केंद्र चाकण लॉरियाल इंडिया एम्प्लॉईज युनियन आणि लॉरियाल इंडिया प्रायव्हेट लिमिटेड यांच्या संयुक्त विद्यमाने लॉरियाल इंडिया एम्प्लॉईज युनियनच्या १४ व्या वर्धापन दिनानिमित्त आयोजित शिबिरात १८० जणांनी रक्तदान केले. शिबिरात २७० जणांनी रक्तदान करण्यासाठी पुढाकार घेतला; परंतु हिमोग्लोबिन आणि इतर आरोग्यविषयक कारणास्तव त्यांना रक्तदान करता आले नाही. प्रत्येक रक्तदाता आणि त्याच्या कुटुंबातील दोन प्रौढ व्यक्ती यांचा प्रत्येकी पाच लाख याप्रमाणे एकूण १५ लाखांचा अपघात विमा काढण्यात आला. याप्रसंगी रविराज इळवे, दत्तात्रेय येळवंडे, सुजाता रविराज इळवे, मनोज पाटील, अमित गर्ग, संतोष कदम, वेंडेल वेस्ली, संजय थोरात, अविनाश वाडेकर, गणेश बोचरे, रवी साबळे, उपाध्यक्ष नीलेश पाटोळे, कार्याध्यक्ष कमलेश गावडे, रूपाली शिंदे, मुकुंद म्हाळुंगकर, श्रद्धा सरकार, अंकुश ताठे, किशोर दाभाडे, गणेश आरुडे आणि सर्व संघटना सभासद, कामगार उपस्थित होते.