खुटबाव, ता. १७ ः गलांडवाडी (ता. दौंड) येथील ग्रामस्थांची नववी, दहावीचा वर्ग सुरू करण्याची प्रतीक्षा अखेर संपली आहे. जिल्हा परिषद प्राथमिक शाळेमध्ये दौंड तालुक्यात प्रथमच नववी, दहावी सुरू करण्यात आली आहे. पहिल्याच दिवशी नववीसाठी विद्यालयात ३५ विद्यार्थ्यांनी प्रवेश घेतला. विद्यार्थ्यांच्या स्वागतासाठी राजकीय मतभेद विसरून सर्व पक्षांचे स्थानिक पातळीवरील राजकीय पदाधिकारी उपस्थित होते.
कार्यक्रमाच्या प्रमुख पाहुण्या भाजप राज्य महिला उपाध्यक्षा कांचन कुल उपस्थित होत्या. कार्यक्रमानिमित्त महिला भगिनी व नववीच्या शालेय विद्यार्थ्यांना फेटे बांधण्यात आले. शालेय विद्यार्थ्यांना गुलाबपुष्प देण्यात आली.
यावेळी सरपंच रमेश पासलकर, महादेव खळदकर, सुदाम भापकर, केंद्रप्रमुख संजय चव्हाण यांनी मनोगत व्यक्त केले. कार्यक्रमाला शाळा समिती अध्यक्ष रोहिदास चव्हाण, उपाध्यक्ष शिवाजी पवार, माजी सरपंच उत्तम ताकवले, ज्ञानदेव कदम, उमेश देवकर, बाळासाहेब भापकर, संजय कदम, विजय पवार, उत्तम खाडे, संदीप शितोळे, निळकंठ शितोळे, बाळासाहेब शितोळे, गजानन कदम, किशोर छाजेड, राजेंद्र चव्हाण, रमेश देवकर, श्रीकांत कदम, बबन देवकर, अरुण कदम, ज्योती शितोळे, सुनीता कदम, अनामिका भापकर, पल्लवी कदम आदी उपस्थित होते. संयोजन मुख्याध्यापक आजिनाथ खेडकर, सोमनाथ जाधव ,गणेश शिंदे, सुजाता गायकवाड, दमयंती खेडेकर, अश्विनी अहिरेकर, शुभांगी भेंडे यांनी केले.