माले, ता.१८ : आंबवणे (ता. मुळशी) ग्रुप ग्रामपंचायतीच्या सरपंच सीता मच्छिंद्र कराळे यांना आदर्श सरपंच पुरस्काराने गौरविण्यात आले. आविष्कार सोशल अॅण्ड एज्युकेशनल फाउंडेशन इंडियातर्फे राज्यस्तरीय या पुरस्काराचे वितरण करण्यात आले.
यशदाचे अतिरिक्त संचालक व भारतीय प्रशासकीय सेवेतले वरिष्ठ अधिकारी शेखर गायकवाड यांच्या हस्ते कराळे यांना पुरस्कार प्रदान करण्यात आला. कार्यक्रमाला संस्थेचे अध्यक्ष संजय पवार, महाराष्ट्र प्रदेश अध्यक्ष डॉ. संतोष भोसले, पुणे जिल्हा अध्यक्ष डॉ. प्रकाश चौधरी, प्रा. श्रीकांत जगताप, उद्योजक गोरक्ष कराळे, प्रा. किसन कुराडे, व्याख्याते विवेक गुरव, सामाजिक कार्यकर्ते भगवान भिकुले, सरपंच आशा भिकुले, अनिल बोडके, अरुणा शिंदे, आकाश शिंदे आदी मान्यवर उपस्थित होते. लोकसहभागातून निर्णय प्रक्रिया राबविणे, महिला सबलीकरण, पायाभूत सुविधा उभारणी, पाणीपुरवठा, आरोग्य व शिक्षण या क्षेत्रांत केलेल्या उल्लेखनीय कार्याबद्दल कराळे यांना हा पुरस्कार देण्यात आला. सलग तिसऱ्यांदा त्यांना आदर्श सरपंच पुरस्काराने सन्मानित करण्यात आले आहे.