मोरगाव, ता. २६ : तुळजाराम चतुरचंद महाविद्यालय बारामती येथील १९९९-२००० बी.कॉम. बॅच यांचा स्नेहमेळावा नुकताच पार पडला. तब्बल २५ वर्षांनी हे विद्यार्थी एकत्र आले होते. यावेळी बालपणातील आठवणींच्या हिंदोळ्यावर प्रत्येक विद्यार्थी झुलत गेले. प्रत्येक जण समोरासमोर आल्यानंतर हृदयातील आठवणींची कवाडे खुली झाली. त्या रम्य आठवणींचे अश्रू प्रत्येकाच्या डोळ्यात तरळत होते. या वेळी आयोजित विविध उपक्रम पुन्हा एकदा त्या आठवणींच्या दप्तरात बंदिस्त झाले. यापुढे कायम एकमेकांना सकारात्मक विचाराने स्नेहबंध दृढ करत निरपेक्ष भावनेने मदत करण्याचा निर्धार निसर्गाच्या साक्षीने या विद्यार्थी यांनी केला.
या कार्यक्रमात विशेष सहकार्य शीतल शेलार, संदीप बागमार, गौरव कोठडिया यांनी केले. त्यामुळे सर्व विद्यार्थ्यांनी त्यांचे कौतुक केले.
ममता ढोले व नितीन कहाणे यांनी आभार मानले.