महाळुंगे पडवळ, ता. ७ : चास (ता.आंबेगाव) येथील ग्रामपंचायतीच्या कार्यक्षेत्रातील शेगरमळा येथे मशागतीची कामे टॅक्टरद्वारे करत होतो. दुपारचे तीन वाजले होते. समोर झुडपात काही तरी आहे, असे वाटले. दहा फुटांवर समोर पाहतो तर काय बिबट्या. नशीब बलवत्तर म्हणून टॅक्टर होता, अन्यथा माझा जीवच गेला असता, असा थरार शेतकरी कानिफ शेगर यांनी अनुभवला.
शेगर हे नेहमीप्रमाणे बुधवारी (ता.५) दुपारी शेतात टॅक्टरद्वारे शेत मशागत करत होते. त्यावेळी झडपातून जोर जोरात हालचाल होत असल्याचे त्यांनी पहिले. क्षणार्धात विहिरीच्या कडेने समोर बिबट्या येत असल्याचे पाहून त्यांनी टॅक्टर थांबविला. त्यावेळी बिबट्या जोरजोरात डरकाळ्या फोडत होता. अशाही परिस्थितीत शेगर यांनी संयम ठेऊन टॅक्टर शेताबाहेर काढला. तोपर्यंत बिबट्या तेथून निघून गेला होता. पायी किंवा मोटार सायकलवर असतो तर बिबट्याने फडशाच पडला असता, असे त्यांनी सांगितले.

03081