भोर, ता.१५ : भोर तालुक्यात मे महिन्यात झालेल्या मॉन्सूनपूर्व पावसामुळे ८० गावातील ४९९ शेतकऱ्यांच्या उन्हाळी बागायती पिकांचे सुमारे १३०.६८ हेक्टर क्षेत्रावर झालेल्या नुकसानीचे पंचनामे झाले आहेत. त्याचा अहवाल वरिष्ठ कार्यालयाकडे पाठविण्यात आल्याची माहिती भोर तालुका कृषी अधिकारी शरद धर्माधिकारी यांनी दिली.

भोर तालुक्यात ७ मे ते २९ मेपर्यंत झालेल्या पावसाने शेतकऱ्यांच्या पिकांचे मोठ्या प्रमाणात नुकसान झाले. यात सर्वाधिक काढणीस आलेल्या भुईमूग पिकासह सोयाबीन, बाजरी, ज्वारी, कांदा आदी पिकांचे मोठ्या प्रमाणात नुकसान झाले. त्यामुळे या पिकातून वर्षभरासाठी शेतकऱ्यांना मिळणाऱ्या धान्य, तेल व जनावरांच्या खाद्याला मोठा बसला आहे. यामुळे शेतकऱ्यांची आर्थिक गणित कोलमडल्याने शेतकरी अडचणीत आला आहे. यामुळे त्वरित भरपाई मिळण्याची मागणी शेतकऱ्यांकडून होत आहे.

जिरायती
४६............ गावे
३५२............शेतकरी

पिकांचे नुकसान (हेक्टररमध्ये)
भुईमूग – ५७. ८४ हेक्टर
सोयाबीन – २०.७३ हेक्टर
बाजरी – ९.०५ हेक्टर
ज्वारी – १.९७ हेक्टर
भात ०.२० गुंठे
इतर – ३.२० हेक्टर
एकूण - ९२.९९ हेक्टर

बागायती
२३.............. गावे
१०९.............शेतकरी

पिकांचे नुकसान (हेक्टररमध्ये)
भाजीपाला – २४.०७ हेक्टर
फुले – ०.१५ हेक्टर
एकूण - २४.२२ हेक्टर

फळबाग*
११............. गावे
३८........शेतकरी
आंबा............. १३.४७ हेक्टर

भोर तालुक्यात नेमणूक केलेल्या महसूल, कृषी व ग्रामविकास अधिकारी यांनी शेताच्या बांधावर जाऊन पंचनामे केले आहेत. त्याचा अहवाल शासनाकडे पाठवला आहे. शासनाच्या नियमानुसार शेतकऱ्यांना नुकसान भरपाई मिळणार आहे.
- राजेंद्र नजन, तहसीलदार, भोर