महुडे, ता. २४ : पसुरे (ता. भोर) येथील भोर एज्युकेशन सोसायटीच्या माध्यमिक विद्यालयाच्या विद्यार्थ्यांनी संत गाडगेबाबा यांच्या जयंतीनिमित्त सोमवारी (ता. २३) गावात स्वच्छता मोहीम राबवली. विद्यार्थ्यांनी शाळा परिसर आणि गावाकडे येणाऱ्या मुख्य रस्त्यावरील प्लॅस्टिक पिशव्या, बाटल्या, खाद्यपदार्थांची वेष्टने आणि फेकून दिलेले जुने कपडे आदी कचरा गोळा करून स्वच्छतेचा संदेश दिला. भोर एज्युकेशन सोसायटीचे नियामक मंडळ अध्यक्ष प्रमोद गुजर, सचिव डॉ. सुरेश गोरेगावकर, मुख्याध्यापक अशोक बोडके, विज्ञान शिक्षक धनंजय कोठावळे यांच्या मार्गदर्शनाखाली ही मोहीम राबविण्यात आली. यासाठी सरपंच पंकज धुमाळ, उपसरपंच अश्विनी गोरे, ग्रामपंचायत सदस्य, शिक्षकेतर कर्मचारी ज्ञानेश्वर पायघण यांचे सहकार्य लाभले.