ओतूर, ता. १६ : ओतूर (ता. जुन्नर) येथील ग्राम विकास मंडळ संचलित चैतन्य विद्यालयात स्वातंत्र्य दिन साजरा करण्यात आला. ग्राम विकास मंडळाचे अध्यक्ष अनिल तांबे यांच्या हस्ते ध्वजवंदन करण्यात आले.
यावेळी विद्यालयाचे १९८३ सालच्या माजी विद्यार्थ्यांनी स्मार्ट बोर्डसाठी एक लाख अकरा हजार रुपयांची देणगी विद्यालयाला दिली असल्याची माहिती मुख्याध्यापिका राजश्री भालेकर यांनी दिली. यानिमित्ताने सुशीला डुंबरे, महेंद्र पानसरे, मधुकर पानसरे, गोरख पानसरे, प्रदीप तांबे, शरद इसकांडे, भीमसेन डुंबरे, सीताराम तांबे, रमेश बेल्हेकर या विद्यार्थ्यांचा सत्कार करण्यात आला. विद्यालयातील सांस्कृतिक विभागाने सादर केलेल्या महाराष्ट्र गीत व धरती सुनेहरी अंबर नीला हर मौसम रंगीला समूहगीत तसेच विविध कवायत प्रकारांनी उपस्थितांची मने जिंकली.
कपर्दिकेश्वर वॉकिंग व स्वीमिंग ग्रुप ओतूर तसेच ग्रामपंचायतीच्या वतीने १५०० विद्यार्थ्यांना केळी व बिस्किटचे वाटप करण्यात आले. याप्रसंगी अध्यक्ष अनिल तांबे, जिल्हा परिषदेचे माजी सदस्य भानुविलास गाढवे, माधवराव डुंबरे, प्रभाकर तांबे, राजेंद्र डुंबरे, रघुनाथ तांबे, प्रदीप गाढवे, पंकज घोलप, आत्माराम गाढवे, संजय हिरे, अनिल उकिर्डे, श्री. रा. तांबे इंग्लिश मीडियम स्कूलच्या प्राचार्य मनीषा साठे, भाऊसाहेब खाडे आदी उपस्थित होते. क्रीडा विभाग प्रमुख अमित झरेकर यांनी सूत्रसंचालन केले.