ओतूर : माळवाडी (ता. जुन्नर) येथील जिल्हा परिषद प्राथमिक शाळेने स्वातंत्र्य दिन साजरा केला. यावेळी ध्वजवंदन करण्याचा मान दहावीत सर्वात जास्त मार्क मिळणाऱ्या विद्यार्थ्याला देण्यात आला.
या वर्षी ध्वजवंदन सार्थक बटवाल या विद्यार्थ्याच्या हस्ते करण्यात आले. त्याला दहावीला ९२.२० टक्के मार्क मिळाले होते. चार वर्षांपूर्वी ग्रामस्थ, शाळा व्यवस्थापन समिती, मुख्याध्यापक, शिक्षकांच्या सहकार्याने असा निर्णय घेतला आहे, की १५ ऑगस्टला ध्वजवंदन कण्याचा मान हा दरवर्षी दहावीच्या वर्गात सर्वात जास्त मार्क मिळतात त्याला दिला जातो. तर २६ जानेवारी या दिवशी बारावीच्या वर्गात सर्वात जास्त मार्क मिळालेले असतात त्या विद्यार्थ्याला दिला जातो. गाव व शाळेच्या या निर्णयाचे संपूर्ण तालुक्यात कौतुक होत आहे. हा अनोखा उपक्रम तालुक्यातील गावांनी व शाळांनी राबविल्यास मुलांना त्यापासून प्रेरणा मिळू शकते.