ओतूर, ता. १६ : ओतूर (ता. जुन्नर) येथील शिवसह्याद्री युवा मंच व चैतन्य हॉस्पिटल यांच्या वतीने स्वातंत्र्य दिनानिमित्त ३४ वे रक्तदान शिबिर आयोजित करण्यात आले होते. शिबिराचे उद्‍घाटन हाजी चांदशेठ मोमीन यांच्या हस्ते झाले.
रक्तदान शिबिरात १५१ रक्तदात्यांनी रक्तदान केले. प्रत्येक रक्तदात्यास एक भेटवस्तू देण्यात आली. रक्तसंकलन पूना ब्लड बँक नारायणगाव यांच्या वतीने करण्यात आले. हा उपक्रम यशस्वी करण्यासाठी शिवसह्याद्री युवा मंचाचे मयूर मते, शरद तांबे, सिद्धेश कर्डिले, अभिजित दिवटे, निखिल काकडे, वैभव हिंगे, आशिष गोंदके, राहुल तांबे, हर्षल महापुरे, अभिषेक घोलप, अभिषेक डुंबरे, संतोष डुंबरे, मनोज पटेल, प्रमोद लोखंडे, शुभम ढोबळे, अमोद फापाळे, योगेश जगताप, डॉ. वैभव गायकर यांनी परिश्रम घेतले. गौरव डुंबरे यांनी आभार मानले.