ओतूर, ता. १ ः ओतूर (ता. जुन्नर) व परिसरातील गावांमध्ये बिबट्याची दहशत वाढली असून, पाळीव प्राण्यांवर दिवसा आणि रात्रीही बिबट्या हल्ले करत आहेत.
ओतूर शहरात मंगळवारी (ता. ३०) रात्री न वाजण्याच्या दरम्यान देवगल्लीत बिबट्याने पाळीव कुत्र्यावर हल्ला करून कुत्र्याला जखमी केले. तर शहरातील चैतन्य विद्यालयाजवळ घराबाहेर ओट्यावर बसलेल्या कुत्र्यावर रात्री साडे नऊ वाजता हल्ला केला. तसेच, अहिनवेवाडी येथे ही बिबट्या सीसीटीव्ही कॅमेऱ्यात दिसला. डिंगोरे येथील दत्तवाडी मधील घोडेमाळच्या पायथ्याशी मंगळवारी सायंकाळी पाच वाजे दरम्यान प्रवीण सुकाळे यांच्या वासरावर बिबट्याने हल्ला करून वासराला जखमी केले. तसेच, उदापूर येथे भाविकांना बिबट्या दिसला.
वनविभागाने बिबट्या जेरबंद करण्यासाठी मोठ्या प्रमाणात बिबट पकड मोहीम राबवून बिबट्या जुन्नर तालुक्यातून हद्दपार करावा, अशी मागणी स्थानिक नागरिक करीत आहेत.

00851