ओतूर, ता. २८ ः उदापूर (ता‌. जुन्नर) येथील जिल्हा परिषद प्राथमिक केंद्रशाळेत यशवंतराव चव्हाण कला, क्रीडा महोत्सव गुरुवारी (ता. २७) पार पडला. ओतूर बीटस्तरीय केंद्रातील रोहोकडी, उदापूर, बल्लाळवाडी येथील शाळांचा यामध्ये समावेश होता. यावेळी विद्यार्थी रंगीबेरंगी वेशभूषेमध्ये स्पर्धेसाठी उपस्थित होते. महोत्सवात विद्यार्थ्यांच्या शारीरिक, मानसिक, भावनिक तंदुरुस्तीचा कस पाहायला मिळाला.
कार्यक्रमाच्या उद्‍घाटनाप्रसंगी सेवानिवृत्त शिक्षक सावळेराम आरोटे, उदापूर केंद्राचे प्रमुख बाळासाहेब भालेकर, उपसरपंच मनोज शिंदे, भागूजी कुलवडे, सतीश आंबडेकर, बी. एम. शिंदे, दत्तात्रेय कुलवडे, शालेय व्यवस्थापन समितीचे अध्यक्ष अमोल म्हसणे, खंडू शिंदे, दुष्यंत बनकर व मैत्री ग्रुपचे सदस्य उपस्थित होते. या स्पर्धेसाठी सरपंच सचिन आंबडेकर यांनी प्रमाणपत्र तर मे. होनराव आणि कंपनीने चषक असे योगदान दिले होते. बक्षिस वितरणाप्रसंगी संतोष होनराव, ओतूर बीट विस्तार अधिकारी अशोक गोडसे, शालेय पोषण आहार अधीक्षक विष्णू धोंडगे, बल्लाळवाडीचे केंद्रप्रमुख संजय जाधव, रोहोकडीचे केंद्रप्रमुख कमलाकांत मुंढे, मुख्याध्यापिका माणिक फापाळे आदी उपस्थित होते. माध्यमिक क्रीडा शिक्षक पोपट घनवट, रामदास डुंबरे, महेश थोरात यांनी पंच म्हणून काम पाहिले.
सत्यवान म्हस्के, दिनेश कुलवडे, सुनील ढमाले, कैलास गायकर, सुनील बनकर, प्रदीप दिघे, किसन दाभाडे, विलास घोलप, जिजाभाऊ वायळ व उदापूर केंद्रातील सर्व शिक्षकांनी कार्यक्रमाचे नियोजन केले. सुनील चौधरी व समीर कुमकर यांनी सूत्रसंचालन केले. प्रभाकर दिघे यांनी आभार मानले.