पाबळ,ता.११ : कान्हूर मेसाई (ता.शिरूर) येथे खरीप हंगामाच्या पार्श्वभूमीवर शेतकऱ्यांना मार्गदर्शन करण्यासाठी कृषी विभागाच्या वतीने कार्यशाळेचे आयोजन केले होते. यामध्ये शेतकऱ्यांना विविध शासकीय योजनांची माहिती देण्यात आली.

कार्यक्रमात मंडळ कृषी अधिकारी शिवाजी पाटील आणि सहाय्यक कृषी अधिकारी अर्चना वागदरे यांनी बीजप्रक्रिया, बीज उगवण चाचणी, महात्मा गांधी रोजगार हमी योजनेअंतर्गत फळबाग लागवड, पीएम किसान योजना, अँग्रीस्टॅक अंतर्गत शेतकरी ओळखपत्र, प्रधानमंत्री सूक्ष्म अन्न प्रक्रिया उद्योग योजना, भाऊसाहेब फुंडकर फळबाग लागवड योजना, नवीन पीएम किसान अर्ज भरती प्रक्रिया तसेच ‘दिशा कृषी उन्नतीची २०२९’ याविषयी माहिती दिली.

सेंद्रिय शेती विषयी सुशांत पवळे व मालन जाधव यांनी मार्गदर्शन केले. या योजनांचा लाभ घेण्यासाठी शेतकऱ्यांनी कृषी विभागाशी संपर्क साधावा, असे आवाहन यावेळी करण्यात आले.

यावेळीप्रसंगी उपसरपंच योगेश पुंडे, सामाजिक कार्यकर्ते शहाजी दळवी, माजी सरपंच अनिल शिंदे, उपसरपंच सोपान पुंडे व कैलास पुंडे, भाऊसाहेब माळवदे, प्रकाश पुंडे, आजी-माजी पदाधिकारी, शेतकरी उपस्थित होते.