भीमाशंकर, ता. १८ : बारा ज्योतिर्लिंगांपैकी सहावे असलेले श्री क्षेत्र भीमाशंकर येथे चौथ्या आणि शेवटच्या श्रावणी सोमवारी भाविकांनी ‘हर हर महादेव’च्या जयघोषात दर्शन घेतले.
पहाटेपासून भाविकांनी दर्शनासाठी लांबच लांब रांगा लावल्या होत्या. देवस्थान ट्रस्टच्या वतीने शिवलिंगावर दुग्धाभिषेक, महाआरती आणि शंखनाद करण्यात आला. त्यानंतर मंदिर भाविकांना दर्शनासाठी खुले करण्यात आले. श्रावणी सोमवारनिमित्त मंदिराचा गाभारा आणि सभामंडप विविधरंगी फुलांनी सजविण्यात आला होता. शिवलिंगावर विविध फुलांची सजावट केली होती. मंदिर परिसरात विद्युत रोषणाई करण्यात आली होती. परिसरात बेल, फुले, प्रसाद, खेळणी आदींची दुकाने थाटण्यात आली होती.
वाहनतळांची व्यवस्था करण्यात आली होती. वाहनतळ ते बसस्थानकापर्यंत मिनी बसची व्यवस्थाही प्रशासनाने केली होती. देवस्थान ट्रस्टच्या वतीने भाविकांना दर्शन सुखकर होण्यासाठी दर्शन रांग, मुखदर्शन आणि ऑनलाइन दर्शन व्यवस्था केली होती. भाविकांसाठी आरोग्य विभागाची दोन पथके कार्यरत होती. यात्रा निर्विघ्न पार पाडण्यासाठी पोलिस प्रशासनाबरोबरच इतर सर्व विभागांनी चोख व्यवस्था केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.