‘निरंतर पोवाडा प्रशिक्षण वर्ग’ उत्साहात
पुणे, ता. ९ : शाहीर हिंगे लोककला प्रबोधिनी आणि डेक्कन एज्युकेशन सोसायटी यांच्या वतीने ‘निरंतर पोवाडा प्रशिक्षण वर्गा’चे आयोजन करण्यात आले आहे. हा कार्यक्रम शनिवार पेठेतील न्यू इंग्लिश स्कूल, रमणबाग येथील ‘कलाग्राम’मध्ये पार पडला. यावेळी ज्येष्ठ गायक व संगीतकार दयानंद घोटकर, सोसायटीचे कार्यवाह प्रा. डॉ. आनंद काटीकर, प्रबोधिनीचे अध्यक्ष आचार्य शाहीर हेमंतराजे मावळे, प्रा. संगीता मावळे आदी उपस्थित होते. मावळे म्हणाले की, कलेचे संस्कार पुढच्या पिढीला द्यावेत, यासाठी गेली अठ्ठावीस वर्षे मी विनामूल्य पोवाडा प्रशिक्षण देत आहे. त्यामुळे पुढील पिढीला आपली संस्कृती समजेल आणि कलेकडे पाहण्याचा त्यांचा दृष्टिकोनही बदलेल. अक्षदा इनामदार यांनी सूत्रसंचालन केले. जान्हवी शिंदे यांनी आभार मानले.

सुनील जाधव यांची नियुक्ती
पुणे, ता. ९ : शहर जिल्हा व पश्‍चिम महाराष्ट्र रिपाइं रोजगार आघाडीच्या अध्यक्षपदी सुनील जाधव यांची नियुक्ती करण्यात आली. ही नियुक्ती पक्षाचे राष्ट्रीय अध्यक्ष रामदास आठवले यांच्या आदेशाने प्रदेशाध्यक्ष चंद्रकांत जगताप यांच्या नेतृत्वाखाली करण्यात आली.

सरोज भवन विद्यार्थिनी वसतिगृहात
प्रवेश घेण्याचे आवाहन
पुणे, ता. ९ : दिशा परिवार चॅरिटेबल ट्रस्टच्या वाघोली येथील सरोज भवन विद्यार्थिनी वसतिगृहामध्ये विद्यार्थिनींना आई-वडील नाहीत अशा मुलींना मोफत प्रवेश दिला जातो. तसेच महाराष्ट्रातील ग्रामीण भागातील गरजू व गुणवंत विद्यार्थिनी बारावीनंतरचे शिक्षण पुण्यात घेऊ इच्छित आहेत, अशा विद्यार्थिनींना प्रवेश दिला जातो. येथे ग्रंथालय, वायफाय यासारख्या सर्व सोयींयुक्त उपलब्ध आहेत. त्यामुळे शैक्षणिक वर्ष २०२५-२६ साठी वसतिगृहाची प्रवेश प्रक्रिया सुरू झाली आहे. त्यामुळे इच्छुक विद्यार्थिनींना प्रवेश घ्यावे. असे आवाहन संस्थेने केले आहे.
........