पौड, ता. २५ : प्रजापिता ब्रह्मकुमारी ईश्वरीय विश्वविद्यालय आणि भारत सरकार यांच्यावतीने दारवली धनवेवाडी (ता. मुळशी) येथे रविवारी (ता. २८) नशामुक्त भारत अभियानाचे उद्‌घाटन होणार आहे. धनवेवाडी येथील हृदयमोहिनी वन येथे होणाऱ्या कार्यक्रमात राजयोग समुपदेशक डॉ. सचिन परब मार्गदर्शन करणार आहेत. या प्रसंगी आदित्य हॉस्पिटलचे संचालक डॉ. अमरसिंह निकम व प्रादेशिक परिवहन अधिकारी अजित शिंदे प्रमुख पाहुणे म्हणून उपस्थित राहणार आहे. या वेळी ब्रह्मकुमारी नलिनीदीदी मार्गदर्शन करणार आहे. सकाळी १० ते दुपारी २ पर्यंत होणारा हा कार्यक्रम सर्वांसाठी खुला असल्याचे पिंपरी-चिंचवड विभागाच्या संचालिका ब्रह्मकुमारी करुणादीदी यांनी सांगितले.