रांजणगाव सांडस: शिरूर पोलिस ठाण्यात चौदा वर्षीय मुलीवर वारंवार अत्याचार केल्याप्रकरणी रतिलाल जुन्या कुवर (सध्या रा. रांजणगाव सांडस ता.शिरूर, मूळ रा. वालापागण, ता. साक्री, जि.धुळे) याच्याविरुद्ध बलात्कारासह बाल लैंगिक अत्याचाराचा गुन्हा दाखल झाला आहे. रतिलाल हा बळजबरीने पीडितेवर अत्याचार करत होता.

''घडलेला प्रकार कोणाला सांगितला तर तुला जीवे मारीन, अशी धमकी त्याने मुलीला दिली होती. यामुळे तिने घाबरून कोणासही काही सांगितले नाही. मात्र, गरोदर राहिल्याचे निदर्शनास आल्याने तिच्या आईने मुलीला विश्वास घेत विचारपूस केली.

तेव्हा घेतलेला प्रकार उघड झाला. यानंतर पीडितेच्या आईने शिरूर पोलिस ठाण्यात येथे फिर्यादी दिली. यामुळे शिरूर पोलिसांनी कुवर यांच्यावर पास्कोसह बलात्कारप्रकरणी गुन्हा दाखल केला आहे. गुन्ह्यात पुढील तपास पोलिस निरीक्षक सुरेशकुमार राऊत यांच्या मार्गदर्शनाखाली पोलिस निरीक्षक स्नेहल चरापले करत आहेत.